冰點 這裡開始被人遺忘,我知道讀者不多於五個。對於新相識的人我不敢透露這網址,我害怕給近乎陌生的人窺視我的世界。

105愛的鼓勵 0訂閱站台

20/10/2003(一)

琴晚唔覺意轉去ATV,有個”世界十大神秘景地”節目,我睇0個陣已經倒數到處5th喇,4th係巴黎既地下墓穴,3rd係尼斯湖,2nd係唔知”咩咩線”,話係唔知0係幾多世紀,有客機機師0係高空望落地面時發現既。地點係沙漠,0個d線畫左d幾何,動物,好大,一定要0係高空先望倒,試問以前既人靠咩嚟畫嫁呢﹖0個陣又未有飛機,咁畫左都睇唔到嫁啦,畫嚟做咩呢﹖﹖有研究該地的學者指出這是從前天象探測的記錄圖案,但一切仍未有確實證據。而第一位係Atlantic,原來話而家既Atlantic Ocean下面有好大塊野,估計係陸地,話係之前陸沉既陸地,又話唔知幾時又會浮返上嚟…………………預言家拍拉圖說因世人既貪婪,最終會得到報應,發生地點大概就是現在的Atlantic Ocean。

唔知呀,其實我都唔知講嚟做咩,算啦,當係增長大家既見聞啦~~

不過呢,我反而想去下唔知係英國定智利既石群喎,沙漠裡屹立著咁大而咁有系統既石群,到底係人造定係天然,至今亦無從稽考。

今日一早起身(其實都唔早喇,成12點),食左個好健康既breakfast, milk+ breadx2,就去左恤一個靚髮同埋染一個。我d $呀,咁又冇左幾百,跟住d負離子又冇埋,唉,好鬼死傷心………………

係呀,我今日買左兩頂冷帽,一頂我,一頂alison既~~~

*補習份工有d危機。

730,塵心嚟左mei foo搵我,佢幫我問左個handsomeＧｅｒｍａｎ　Ｇｅｒｍａｎｙｄ野呀，嗯，個ｒｏｕｔｅ我會從長計議嫁喇，多謝你的仗義同朱古力新地多花生～～～

講下我同ａｌｉｓｏｎ個ｔｒｉｐ，又講下我地ｇｒａｄ個ｔｒｉｐ，如果去荷比盧，其實萬６可能都ｏｋ，去１０日啦就，唔知點解，我真係好期待同你呢個ｔｒｉｐ，我真係好鍾意荷蘭。

之後，又講下我地２００８年芬蘭之旅，我話，去完ｆｉｎｌａｎｄ，我其他地方都可以唔洗去，人生已經無憾，就咁死左都甘心。

或許，到了那裡，我會在北極圈的邊界親吻土地。

謝謝你為我們的荷比盧作出犧牲．付出。

我感覺到你這次是認真的，不只是為了承諾這麼簡單。

但願我們永遠是旅行上的夥伴，包括人生的旅途。

之後，又談及將來，出路。

我想我會是賺夠一筆錢，就去一次旅行的人。
．．．．．．．當家再不是我的負擔時．．．．．．．．

別人或許會覺得荒唐，但世上還不是有這些人存在嗎﹖
忠於自己理想，實踐夢想的人，才不至荒唐。

我想，意大利這麼大且危險，雖不夠浪漫，但ｈｏｎｅｙｍｏｏｎ到這個地方都不錯。

那我有機會到意大利嗎﹖