冰點 這裡開始被人遺忘,我知道讀者不多於五個。對於新相識的人我不敢透露這網址,我害怕給近乎陌生的人窺視我的世界。

105愛的鼓勵 0訂閱站台

讓我總結這四天做過什麼:

THUR:到North Point briefing,一點同小學同學吳嘉諾食lunch,話時話,我同佢都幾有緣,小學到初中都同一間學校,上到uni又撞返,其實我地好夾,冇見幾年都可以好多野講。我主觀認為,老朋友應是如此的。

食完lunch,又要視察環境:由青衣城-->Harbour City-->紅磡-->MK KCRC。都顛既,要人捧住成千張A4紙香港一日遊咁。好彩我到第一站就可以放低d石頭姐。後尾6點補習,我冇跟佢地去到MK,去完Harbour Ｃｉｔｙ就走左喇。雖然話冇左d"負擔",但對手已經現哂小紅點同我隻左手係瘀左既!!!!!伸都伸唔直,絕冇誇張!!!!!!

就係因為咁一日遊,攪到今年冇得同vincci去書展喇。終於有一年去唔成喇> <

FRI:其實我成日話briefing,等我講解下份job做d咩先啦。呢個係幫香港旅遊發展局做野既,宣傳0個個"勁享勁賞大抽獎"(此乃急口令,請讀一次)既活動。個活動唔多講喇,返工已經講夠,詳情自己睇電視廣告啦。美其名叫宣傳大使,實質係派傳單,分別是0係勁凍的室內派lor,唔稱得上有冷氣嘆,皆因真係勁勁凍。

之前0個日已經行到成隻野咁,今日仲企左7粒鐘tim。你知唔知呀,0個陣做玩具promoter都冇咁辛苦,而家d supervisors會嚟check,又唔知佢地幾時嚟,仲一日唔止一個,所以好難蛇左去。我d手手腳腳已經唔屬於自己喇。

只有tea break可以坐下,我一日食4點一日食5點,梅花間竹,食5點0個日會好想死lor。餓到我丫.........

*謝丁千金舉家前來探班。

SAT:都係咁啦,不過對腳開始返返嚟。

晚上canny對我哭訴。唉,果真有又煩冇又煩。我也想弄清楚有男朋友與沒有的分別。

Anyway,別讓他再愚弄自己,待自己好一點是天公地義的。最緊要別為他失眠就好了。我還記得你有次的info"沒有他以前,你都懂得去入眠"。其實你外表是灰的,但內心是積極的啊~~~因為我知你從不會待薄自己,你懂得享受生活。

SUN:過得勁慢,今日又食5點喎.....
*謝樹專程來與我食個pizza hut tea。看過你的旅行照,只會令我想起這個暑假得不到的第6張postcard。

這令我wonder所有由韓國寄出的東西都會寄失.........

個job到此為止會停一停,到8號又嚟過,至到10號就完喇。不過我呢個week都馬不停蹄,一至四都要做library兼補習,fri又要做返 tourism board,頂!!!!!!

其實呢,我呢幾日發覺由荔景去青衣0個段車程都好靚嫁,特別係夜晚。

終於都知道望到青馬個海傍0係邊喇,要去行一個,不過獨個兒行好似有欠浪漫喎..............

d人個老豆又話生日同人去太平館食飯喎,唉.........

**好想食North Point 既雞蛋仔呀。
***今晚回家時路過金龍船,出左新款cake,我決定要逐一試哂佢地。