冰點 這裡開始被人遺忘,我知道讀者不多於五個。對於新相識的人我不敢透露這網址,我害怕給近乎陌生的人窺視我的世界。

105愛的鼓勵 0訂閱站台

與Kitty聊電話至天光,睡時已聽到雀仔叫聲,她是繼亂人後,會經常與我傾電話至天光的人。

CECI(唔....她說這名字較親切wor~~)早上十時來電,問我還去不去愉景灣,但我不忍心看她整晚沒睡卻陪我去郊遊啊.....故愉景灣,還是擱置一個吧。最後,我們仍是出了來,去了觀塘唱k(今個月第三次了),但係呢....."漩渦" &"夢醒了"還未唱便被cut了....

接著,我們搭船去了鯉景灣,上次與一日一文去,忽略了沿途的風光,只顧住傾呀傾,加上上次還未買DC,影不到明媚的風光啊~

行完一個海傍,我地搭丁丁去我想去好耐既APA,由西灣河搭丁去金鐘,需要一段時間,車程中,大家不約而同的垂釣了,原來丁與巴士同樣好訓,不過訓醒滿頭大汗左....> <　路經修頓,想起與某人溫書的日子,佢溫宋詞,我溫中史。同時,我又諗起亂人,當然有我的原因,因為亂人,我又諗起與哼哈打table tennis時的優越感......一切都是有關連的。唔,今天想起的人和事特別多......

去到APA,要學生証先俾入。唉!簡直晴天霹靂.....平時都唔係既,why今次會咁,諗落,我同APA都好冇緣,話說早在98年APA open　ｄａｙ我本可去一次．．．．

不過，因為咁，ＣＥＣＩ又俾左個promise我,唔......唔好eat your words 喎......

今日既旅程就0係軒尼詩道20號5樓結束。ceci屋企,唔係,係間房,有一d亂,但充滿味道,講唔出咩味,但總之好有味啦。拍左好多video,買左DC咁耐,從未試過影到冇哂memory既,同左佢family 食飯,唔....佢daddy有一d ｓｅｎｓｅ of humour 喎~~

我0係佢屋企影左好多街景,大馬路....我發現呢,原來我又唔係一定要住愉景灣ga wor,太靜唔係咁0岩我,一個人住,仲要住到咁廦,咪靜上加靜??

我諗市區都會0岩我,不過要HK island既,自細住九龍,香港島對我來說充滿著神秘感。其實,Lan Kwan Fong都幾好,唔係鍾意蒲,但夜晚望落街熱熱鬧鬧咁,個feel幾好，感覺上冇咁寂寞．．．．

最好當然係住正雪糕屋上面啦　一口一