冰點 這裡開始被人遺忘,我知道讀者不多於五個。對於新相識的人我不敢透露這網址,我害怕給近乎陌生的人窺視我的世界。

105愛的鼓勵 0訂閱站台

一直都想打日記,但每晚回家已經12點幾,hea下,沖下涼,食下野,都已經3點幾……

28/1

今日dad mum離開hk,補完習返嚟去太子同佢地飲茶,之後就送佢地上車,返city還書,攪攪下又夠鐘返cu喇。呢幾日cu都好大霧,好大好大,十步以外既野都睇唔倒,0係校巴都唔知幾驚。不愧係老牌大學,或者係自己有bias,d 學生點都靜d,冇city d人咁嘈,不過,當然,有d個樣仲係咁娘……

29/1

想訓都唔訓得耐,一嚟要起身洗頭,二嚟又要預時間叫外賣,終於都衝破左心理關口接受左美孚冰室d野食,雖然都算貴,不過質同量都ok,但外賣速度參差,有時成半個鐘,有時唔洗一個字就到……..

之後就同connie ma起程去牛潭尾濾水廠open day喇。唔知呢,我覺得作為市民,呢個都算係我地既利益&權利丫,政府部門透明度高d點都好d既。我地去到荃灣mtr station,有shuttle bus接送,沿途我地又講下holy之前同而家既野,唔講都差d唔記得原來除左f1,我地f2都係同班,之後就再冇一班喇。可能我地身邊都係0個堆fds,又或者係一齊住美孚既關係,所以可以keep到而家啦。

Open day一開始有d亂,人流控制其實有好大問題,d guide又冇ｍｉｃ,都唔知想點…….不過之後我地都習慣左喇,睇下d濾水池呀,做下實驗咁lor,仲有紀念品tim呀,好靚嫁!最後我地又填左意見書,雖然唔知佢下年會唔會開,不過都希望佢好丫…….我問connie ma除左water supplies dept會有興趣睇之外,仲有冇d咩dept有興趣……..之後,我地大家都諗唔倒答案……..

本來今晚會同mobibi食宵,點知有d差池,都係冇食到……

30/1

本來afternoon都要返cu,但係琴晚話cancel,淨係返evening session就得喇,結果冇得同connie ｍａ＆　ｍｏｂｉｂｉ食ｄｉｎｎｅｒ。綜觀呢幾日返ｃｕ都叫順利，不過ｓｕｐｅｒｖｉｓｏｒ　話我讀得太快喇，重質不重量喎．．．．．．

因為呢幾晚都要返工，起身唔係睇返ｄ錄影帶就係差唔多要出門口，返到ｈｏｍｅ又累到不知幾想倒頭大睡，時間都好快過，反而冇上次ｘｍａｓ咁感覺寂寞ｌｏｒ。放工去左松記同塵心食糖水，今次係我第二次０係松記連續食兩碗。ｈｅｙ！ｈｅｌｌｏ真係好好味呢！終於收倒ｌｅｇｏ０個兩個公仔，琛其實我都幾想快ｄ俾你，好驚你今晚唔應約嫁，不過好彩冇姐^^我買左兩個，兩個其實都係送俾人，專登為佢地而買，不過．．．．好似一個好領情而一個就好冷淡，連攞都未攞。有時我真係好好好ｗｏｎｄｅｒ究竟我，唔係，係我地０班ｆｄｓ０係佢心目中既位置。或者人地多ｆｄｓ，根本唔會諗起我或者我地，如果唔同台，可能就連電話＆ｓｍｓ都唔會有一個。話冇錢冇錢但大把錢去玩去唱ｋ去睇戲去買衫，我唔知咁算係點﹖

睇左＜水滸無間道＞個大結局，其實一直都有睇開，一直都覺得係鬧劇，都係為左睇黎姿同楊怡，出人意表個ｅｎｄｉｎｇ都不俗，都幾有深度，估佢唔倒咁ｌｏｒ，不過我呢個完美主義者，都係ｂｕｙ　ｄ　ｈａｐｐｙ　ｅｎｄｉｎｇ，如果齣齣都好似　＜洛神＞咁，都唔知要幾多眼淚先夠。