11 June 2005
由於日日都好忙
Paris既日記打唔切
但d相upload左上網, 睇住先啦~
http://community.webshots.com/user/glogloinuk7
今日上早起身就出左Buckingham Palace睇guardchange
因為聽日係我地以前事頭婆, 即係英女王既生日
今日既guardchnage大型好多
所以人仲多左好多好多, 真係好多!!
平日朝早11點, 御林軍就會開始操入白金漢宮
歷時20-30分鐘
但今次我地喺烈日當空企左1個鐘, 成12點先開始
初初都唔知有咩睇
原來今次有好多軍, 好多馬, 一批批咁操入白金漢宮
好有氣勢!!
點知等多一陣
突然有架馬車駛過
車上有4人, 有一個好明顯係蘇菲王妃, 真人好靚, 好sharp~
另外就睇唔到lu....
跟住小雯就話: 阿邊個呀!
高妹: 係呀~ 阿邊個呀!!!
小雯: 阿邊個呀!!!! 哈哈哈哈!!!
高妹: 哈哈哈哈~~~~ 阿邊個呀!!
二人即刻爆笑, 續說: 阿邊個呀!!!
高妹: 果個王妃呀~~ 好靚呀佢!!
小雯: 咩呀~ 果個王子呀?
高妹: 邊個呀?
小雯: 果個...咩....威廉王子呀!!
高妹: 下??????? 係咩???? 冇呀~~~ 我見唔到喎!!!!
小雯: 係呀~ 係佢呀!!!
高妹: 唔係!!! 我'立'過果4個人, 剩係識個蘇妃咋喎!!
小雯: 唔係呀.... 係佢呀!!!
高妹死都唔信, 如是者拗左一陣
好彩附近冇d類似中國人既人
點知突然有個女仔望住我地笑......弊....唔通佢識聽?
哈哈哈哈哈!!!
跟住又有一架馬車
今次一睇就知係英女王喇~
同平時電視見都冇咩分別
不過馬車開得快, 睇唔清楚....
皇室成員入哂宮之後
我地就跟住人潮擁向白金漢宮正門
對正個露台
等左一陣, 佢地成家人就走左出黎喇!!
呢張相入面藍色衫就係事頭婆
紅色果個係佢大仔查理斯
隔離白色衫就係佢老婆卡米拉
再隔離就係威廉
William同Camila成日傾計
好似好friend咁, 唔知係咪真喇....
佢地企左一陣, 幾架戰機飛過向佢致敬
之後就入返去喇~~~~
咁大個女都冇諗過會有機會睇到呢d場面
亦冇諗過會見到英國皇室成員
更加估唔到見到英女王同威廉王子
哇哈哈哈哈哈!!!!!
雖然時間好短同距離好遠
但對於我黎講真係好震撼!!!
又好似發夢咁喇~~~
突然覺得黎英國讀書收穫好大
除左書本知識同個degree
仲有好多意想不到既收穫!
雖然我冇動力向英女王或者其他人揮手
但今次又真係再一次有d好amazing既野發生喺高妹身上!!
