我的故事 我叫 愛德華‧艾力克

55愛的鼓勵 0訂閱站台

今日去左黃金海岸比賽呀。

一朝早，七點起左身，刷洗完七點半就出門口去香港仔等老婆仔黎。之後一齊去左麥記買左兩個餐上私家車食，係呀..之前仲去7仔度買左兩個暖蛋呀，但係其中一個...壞架~~~不過都無所謂啦，兩個人用一個仲溫馨啦。

搭左一輪車之後，半個鐘左右啦，就去到黃金海岸啦，老婆都係第一次去o個度ja，我遲下一定要帶佢去o個度拍下拖先~~去到目的地之後，真係超超超大風呀，今朝先知咩野叫做沙塵滾滾呀~~~勁凍呀，真係凍到...形容唔倒呀~~老婆即刻載左杯薑蜜比我飲，而佢就飲左自己帶黎o既熱水。老婆好體貼呀!!!之後我地去左報到，人地幫我o係手臂上面寫左C16，而老婆雖然無比賽，但係都o係手上面寫左H20，H係元老組呀，老婆變左老婆婆呀~~~之後無幾耐就比賽啦，d節奏都算好快呀，今日真係無點緊張過呀，個心諗住今日點樣游之外，就係諗老婆好好呀，陪我黎比賽，我認真覺得架，我掛住成日望住老婆，連緊張都唔記得左啦~~到落水前一刻，我除左件衫比老婆，我o個時都未識緊張(全靠老婆仔o係度ja~)，游o個時我都唔覺自己係頭o個6,7個架，只係覺得後面點解無人o既，我問自己我係咪最尾呢，淨係識得跟住前面游囉，但係好就好在...我一開頭無亂游游亂晒條氣，成個過程發揮得好好呀!~!

游完上黎老婆即刻拎毛巾比我啦，好溫暖呀~~之後佢又比左熱茶我飲喎，我都未試過有人對我咁好o既....之後老婆好乖咁等我沖涼出黎，佢仲幫我抹乾泳帽同泳鏡呀~~好好呀~~之後老婆就同我去左拎cert.，最後到頒獎啦，我拎第七名，老婆都幫我影左幾幅相呀~~

之後我同老婆搭Van仔去佐敦食吉野家，之後老婆仔就去左番工啦~~~~

我就番屋企沖完涼又去左同姨姨佢地去左燒野食，七點幾就燒完，之後就去左老婆屋企拜年啦，都無咩特別。

感想﹕老婆陪我去比賽我都係好好開心呀，係真架~~佢好照顧我呀，覺得好溫暖呀，亦都無諗過有一個自己咁鍾意o既人對自己真係咁好。我今日個心真係o係倒諗﹕我唔聚佢聚邊個呀!! 講真呀，一個同我咁夾o既人，我又鍾意佢，佢又鍾意我，我邊度仲可以搵倒呀~~~總之我o係度係講唔倒我有幾開心架啦....總之開心程度係爆燈啦~~多謝妳呀老婆仔~~