我的故事 我叫 愛德華‧艾力克

55愛的鼓勵 0訂閱站台

今朝老婆本來約左我十一點架，點知...唉，我十一點半都未起身，仲要阿邦同joddy一齊等我tim，個心真係好過意唔去呀~~老婆足足打左十五次電話比我呀，但係我尋晚唔小心較左震機訓覺.....結果，今朝老婆十一點半黎到華富村拍門叫我起身...對唔住呀....我唔想架老婆~之後老婆同joddy原諒左我(希望joddy真係無嬲啦。老婆都唔會因為咁少事嬲我o既我諗)。之後我就去左麥記搵番老婆佢地。

食完麥記，我同老婆去左廣泰買左山渣野同埋飲品，之後就去搭48去海洋公園。o係去海洋公園o既途中，我狂多野講，但係上要係狂串Joddy，希望佢唔好嬲啦，我串佢係善意架~~~hehhe但係亦得好開心，因為佢無力還擊~~

去到海洋公園，第一樣野係去左超動感影院---唔知咩威威劇場，但係都幾好睇，有少少頭暈咁啦...老婆話都好真呀，尤其是跳樓機，但係我話最好味係甘菇hehe。

之後我地好快咁就去左搭攬車啦，但係係四個人一齊搭架，但係都算同老婆第一次坐o既攬車啦，都好開心架..同自己鍾意o既人一齊搭攬車...唔知點解好甜架~~~

上到山，我地第一樣野玩o既就係---遷秋，講真呀，可能真係未熱好身呀，好驚呀...係唔想佢繼續fing o個d驚呀，我都真係好細膽呀，老婆一d驚都無呀，勁呀~~

之後就玩左我人生第一次過山車呀，老婆亦都坐我隔離，佢分享我o既第一次，其實玩之前都好驚架，驚到無出過聲，玩到一半先覺得原來無咩好驚，仲幾舒服tim呀~~~好彩老婆帶我坐車頭ja~~之後即刻玩第二次過山車，但係就坐車尾，原來，驚好多架~~

之後去左玩海盜船，我都有心理準備架啦，都唔十分之驚，驚過玩過山車啦...但係joddy玩完之後...成個樣都變晒，老婆依然係...唔驚...好勁呀佢~~

之後到戲玉啦，其實唔係一個好起眼o既機動遊戲黎架ja，但係我地都玩左兩次，同埋玩完都覺得好好笑，呢個就係x浪發船啦~~第一次我坐船頭，一開始就成褲濕晒，都唔洗講啦，成身濕晒..第二次....我坐最最尾，結果都係一樣，濕到....透~但係都好開心呀，可以攬住老婆條小肥腰呀，都幾溫馨架~~~

最後o既機動遊戲係..越礦飛車，o個時好急屎架啦..但係都係忍住玩埋去，呢一個機動遊戲我覺得係最恐怖架，超大離心力呀~~仲要係o係山邊，好恐佈。玩完o個時，我同老婆講﹕我覺得同你好似經歷左一d野啦，唔知係咪因為一齊驚呢，我有好強烈o既感覺呀!!!我愛老婆仔~~

最後去睇左鯊魚館，海洋館...之後就走左啦~~~

到七點鐘，同老婆去左灣仔六國酒店度食自助餐，好開心呀，雖然係同我姑丈同埋佢d中學同學一齊，但係話晒都係同老婆第一次食自助餐，真係好開心架~~仲逗左好多利是tim呀~~夜晚老婆都有黎左我屋企拜年呀~~~

總結，今日好開心同埋好值得記住呀!!!同埋今日實在太多第一次啦，好多都係同老婆一齊分享架~~~