細個果陣我記得我係想做 "太空人"
果陣仲以為自己好醒.....一定做到
點知到大少少先知......原來做太空人就首先係要外國人
(因為果陣仲未有楊利偉)
到再大 d ......都中學喇...
果陣就想做 " 科學家 "
之後成日屋企有咩唔要都比我拆開o黎玩
都唔知玩爛左幾多野...又整唔返
(好彩做唔到...如果唔係我可能會變左做變態殺手都唔定)
到高中....幾大都要有型..係咪先
果陣我想做 " 消防員 "....真係..到時 d 女仲唔比我媾哂
(果陣真係好 heat 架....直程個個男同學都想做咁滯)
讀完中學....就諗...開始有自知之明
其實自己咁細粒..做消防....咪等死
所以就想做 " 救護員 "...人稱白車佬
聽個名都知...個人即刻成熟左唔少...佬佬聲咁
(鬼叫自己個樣咁 young....緊係會咁諗架喇)
然後就入左民安隊...諗住做 D 救人O既野
一入到訓練學校...個人都仲好有大志
點知一落到區....個個人都 HEA 住咁做...
同我識果班民人絕對係兩回事.....(所以我而家好努力咁練..遲 D 考過 M.R.)
加上果陣我都比音樂玩左一段時間
所以...果陣我只係想做一個音樂人
一個成日冷係有 FEEL...都埋多愁善感O既音樂人
為我喜愛、志同道合O既人寫歌 OR 幫佢彈 LIVE
(點知原來呢行好窄....同埋..原來係 H.K. 搞音樂係死路一條)
(始終 H.K.人O既接受性太低，比唔到空間人發揮的)
之後經過某 d 事....直到而家
我就想做一個好人....一個警察
一個出街都好似返緊工...好鬼緊張o既警察
(你諗下...警察..有得著 U 架...好鬼好 FEEL)
大家可能發現
點解我想做O既野....好似不斷咁降緊級
但係...呢 D 都係我想做O既野
你唔好話好似好無用咁....其實我真係一樣都未做到
所以話...夢想同現實....始終都係兩回事
但係我又無諗過話要做咩大有錢佬呀
咩總統果 D 咁大理想....我只係想做
我自己想做O既野...做返一個真真正正O既普通人
一個可以返住自己鐘意O既工
每日都好開心咁工作O既人......但係呢種人係 H.K.
除左二世祖之外係無人可以做到....
所以....以後係點
我唔知道...只好努力現在
為未來O既未知O既一切...努力咁去探險~~~
文章定位：
