前奏
二個月多的等待，終於在今天完滿了。
在四月時，於網上得知教導我塔羅牌的美艷老師Michelle邀請了直角式塔羅牌大師Mangala，於六月中旬到香港開班授徒，我一定馬上噴飯報名啦。不過，真係好貴！四堂foundation 和兩堂advance成六千蚊，真係肉赤到…..到Deadline碵日先交錢，不過現在覺得很值的，因為自己得到很多很多東西。
真的等了很久，由報名到上課的日子，無論在工作、學業上，渡過了十幾萬樣難、難難、難難難難的事，basic feeling 想死，advance feeling都係想死 ，終於到六月十八號了，好彩未死，生存直偉大！
第一天
大清早，於八時多到灣仔California做gym到九時半後 (要跑瘦條腰，谷大合胸啦)。拿了昨天買的Yoga蓆 (時值$137)及大毛巾，都幾有型地便走到會展Room 410上課，途中仲再有型地用十二蚊買左支勁野飲。怎料…….
Reception姐姐：有什麼事可以幫你，先生？(其實佢想我靚仔)
我：唔該我找410號房，有個塔羅班。(在reception，用第二cool聲音)
Reception姐姐：410號房無function！？
我：畄！咁一定401號房啦。
Reception姐姐：401號房係同鄉會function。
我：畄！唔係Far…..(開始embarrass)，咁我睇睇先。(樣衰，退出舞台)
原來，自己在之前的電話裏聽錯了，係香港展覽中心。於電話了和Michelle弄凊地點及所去的方法後，遲了十分鐘才到達。打開門，嘩….一、二、三、四、五、六、七，一同有十八個人，包括Mangala大師。
硺硺琳走到一處，於Yvonne的左方，打開Yoga蓆便開始上課。Woooo….張Yoga蓆好新，好膠味，想嘔。其他人又好草味，因大家大部份都係沙灘蓆。Mangala大師開始講直角式塔羅牌的前言及來源，之後教十三張牌陣中，每個位置的解釋，最後便到二十二隻大牌的精粹，於不同位置的意思。我用了於Soho買回來的Aguis’b拍紙簿和無印水筆做筆記，都沒有寫了幾張牌，便已經一時了。我們便一班人出去吃飯，大師也和我們一起吃。點知，走下走下，走左入警局食！跟據小道消息話好平，又係咖，白飯任食、湯任飲。不過，八碟箚有八碟半係炸，大師都頂唔順啦，佢仲食素，唯有趕上絕路，齋食白飯。最後，佢都好彩有兩碟菜食，不過原來佢又食炸雞翼，大師果然係大師。我又留意到，佢D頭髮勁亂，又好旱，好型，大師果然係大師。大師係外國人，拿筷子好過我，手起“筷”落，大師果然係大師。
回到課室，已經兩點半了，繼續到七時多才說完廿二張大牌。Mangala叫我們成小組，輪流說出不同問題，用這廿二隻牌回答，每一隻用後不可放回，直至廿二隻牌用完為止。於是乎，這個維持四天的小組組合：Felix, Jallian 及我便成形，問完工作問愛人、問完愛人問亞爸、亞媽、細路、朋友A、朋友B….整個人散了。我係第一組完成，其他的….哈哈，明天請早，十時入席。
文章定位：
