14.1.07,星期日 「酒席」
今晚又係去銅鑼灣，不過係約了Madam同阿華去皇室堡的滔香食飯和訂酒席，因他倆今年9.16共諧連理啦，真的十分開心和替他們高興，經歷o左咁多，佢o地終於可以結成夫婦，我做為好朋友，我定盡我的綿力，幫到什麼的都會幫。
我o地向滔香食過飯，睇過他倆的婚沙相後，就落一層的迎喜視察場地和睇酒席，然後落埋訂...我這個八仔跟埋人家去訂酒席，其實真的不是出於八掛，以係想幫o下好朋友手和想學o下o野!自己真的唔知有無機會和深愛的人結婚，但唔知點解真的好想好想去學，或許越是沒可能發生在自己身上的，越是想去感染那份幸福。
15.1.06,星期一. 「禮物」
今日收工約了張先生出旺角買大家送給Pinky和阿青的禮物，是關我們星期四為她倆慶祝呢!我今次選了買Game比佢地，因為阿青同Pinky都分別買了新遊戲機，一個買了Wii，一個買了NDS!所以今晚我找了我們的電玩之王Leon Cheung，出去挑選兩隻好玩的Game比佢o地，結果我揀了”賤兔”比阿青，”華利奧+孖寶兄弟NDS筆比Pinky。買完game，繼續逛，去買我已搵了多時的PS2電車GO手掣，但是店門竟然仍是關上，今次我忍不住打電話搵個老闆，幸運的是原來個老闆只是剛收舖一陣，走得不遠，所以他很快就走回來，告之我這個二手手掣$150有交易。嘩~!百五咋，真的十分抵，兼我已找了多年，我當然二話不說即時買下啦!
今晚不只買了Pinky同阿青的禮物，還買了給自己的禮物!
16-17.1.07 唔係好記得做過乜，但工作一定忙。
18.1.07,星期四. 「慶祝」
今晚是為阿青和Pinky慶祝生日的大日子，又一次上「一生」食飯，大家都十分喜歡這兒，因為真的好正好好味，遲o的我一定要帶媽咪去試!
不過今晚的慶祝活動有點唔同，就是幾位「阿生」全程掛注打機，結果我這個沒有遊戲機「男生」，同幾位女生大快朵頤!
20.1.07,星期六. 「有人遲大到」
今日下午2:40約了Sally去睇「The Holiday」，由於早上去同婆婆飲茶時發生了搞笑失蹤事件，所以我於葵涌十分趕的坐小巴出旺角，尤幸準時趕到戲院沒有遲到，但點知有o的人叫人買定飛的遲大到，遲了足足半個鐘，害我唔知套戲講咩呢!所以有人要賠償我的一切損失呀!
21.1.07,星期日. 「家姐出嫁了」
2007年1月21日星期日，是我家姐譚潔儀小姐和陳鉅洪先生拉埋天窗的大喜日子。我起身梳洗妥當，吃過早餐，便回家裝身扮靚出門口，雖然遲了一點到尖咀會合阿思同蘇銘欣，但還是有早的到達「伊甸園」，可以同家姐、阿怡佢o地傾陣間。我今次都係第一次去伊甸園觀禮，不過觀摩過後我覺得這兒不會是我將來的首選(如果我有人要)，因為實在太「焗」和太「噪」了!觀完禮影完相，還有一段很長的時間才開席，於是蘇銘欣同阿思便建議去睇「Holiday」...又睇呀!?不過唔緊要，反正昨天頭半個鐘睇唔到，今日再睇都無所謂。
睇完戲，逛o左陣會合埋馬姐先上酒樓，上到去已經人山人海，十分熱鬧，入席前只定的動作是影相，那時開始見番不少舊同學，有些同過班，亦有不少是隔離班的，其中更有些發了福和做o左人老豆添，反觀自己，福就一早發了，但連女......
今晚家姐好靚呀，阿雄當然英偉啦，所以真的是郎才女貌，但除了他倆外，
22.1.07,星期一. 「傻事」
今晚收到一個e-mail，情緒失控了，結果做了一件傻事。朋友說，我這樣很「細佬」。
23.1.07,星期二. 「多謝心心」
昨晚傻傻的send了一個msg.比心心，結果她今晚打電話來找我，和我傾o左一陣，給了我開導和鼓勵，真的多謝妳呀!我知自己應該怎樣，我應承妳會為自己定下小小目標的。
24.1.07,星期三. 「放假,但有點不開心」
是日放假，但和平日返工一樣咁早起身，原因係要落沙田搵Jordi借部PSP，夜晚出旺角參加”聚會”。借完機，食過早餐，就返屋企”開工”，是真的開工，趕份會議紀錄，做呀做，做到推o左阿思約食飯，做到避開樓下唔知邊個單位鑽牆，結果同媽咪食o的o野後就回學校自修室繼續做，本想出席”聚會”前搞掂，但結果係要帶埋去做......
今晚是我們”七子打機聚會”，地點是金雞廣場廿五樓一間cafe，我一上到去第一時間更係即刻做，希望可以早點參與他們的”屠龍”活動，所以我努力努力的做，結果我大概九點左右完成，但點知幾位大哥已經開始玩了，無人理我，幫我裝隻game入機，而女孩子們亦各有各玩，阿青還用埋我部notebook添，結果我十分嬲怒的一個人落樓行街，差不多成個鐘後先返上去......好無隱呀!放假晨咁早起身又兼問朋友借機，結果換來一肚氣!!!
25.1.07,星期四. 晚上中心職員會，無乜好寫。
26.1.07,星期五. 「震撼」
今日知道了小梨和蕉關係有改善，真的替她高興，小梨妳要為妳的友誼努力呀!
是日晚上收夜被某人徵召出旺角買”衰”o野送比人，起初以為玩玩o下，但點知背後原來有含意...oh my god~!聚會後，同Janice一齊回家.....由於內容涉及個人私隱和震撼(個人感覺)，而夢星雲是公開的，所以不便公開。
另今晚同Janice傾完計，知道妳的故事，我在此為妳打氣，妳要為愛努力呀!
27.1.07,星期六. 「不安感」
由於昨晚的「震撼」，使我今日一起身就一種「不安感」，為何會這樣呢?可以咁o既咩?所以我今日全日都有種疑惑的感覺，故此我同了Mon傾，夜晚收o左工又同Pinky傾。
今日收o左工，帶了屋企人上「瓊華」打邊爐，還有一個人跟埋去添...(今晚種下禍根)，食完飯，同Pinky上o左去金雞屠龍吧傾計，但點知錯過o左火車尾班車，結果要坐的的返沙田，但點知又遇上塞車，搞到好夜先返歸呢!
震撼、不安、疑惑!或許我過幾日消化了便無事。怎可以這樣的......?
28.1.07,星期日. 「Pinky生日快樂」
下午做過什麼真的記不起了，但晚上肯定同Madam和莫生去了新城市七樓的魚魚食飯，第一次去，味道ok。食完飯去飲咖啡，點知個死人莫又話要走人，結果剩番我同Madam傾計，不過都好，免得個死o野係到九唔搭八，今晚試了鮮奶咖啡加津子，從此我便愛上了。
30-31.1.07,星期二至三. 「腸胃炎」
29號星期一有什麼記不起了，但30號晚我一定記得，因為「疴」足一晚，無覺訓，結果第二朝要請假去睇醫生，醫生話我「腸胃炎」，我問係咪「諾旭克」，佢話係啦，係個類......oh~我知被邊個傳染了!
可憐吃了藥仍有疴，結果不用瘦身都輕了成十磅!腸胃一向差的我，真的最怕腸胃炎!
文章定位：
26.7.08 "出發啦!出發啦!準備出發啦!, (chausze)