新聞| | PChome| 登入
2003-08-22 02:36:20| 人氣55| 回應0 | 上一篇 | 下一篇

責任問題

推薦 0 收藏 0 轉貼0 訂閱站台

瞓覺時間不足，其實都有一排都係咁，因為要返工．

昨日2:00鐘先瞓，今早要８點幾起身，非常累．．．不過我本來係可以唔洗咁早起身的，但因為我想返工之前出去買D野先，所以比平時早左一個鐘，而我亦同一個人約好左，佢會同我一齊出去，昨晚講好今日早上９：００等，我就由９點開始等，等左半個鐘左右，我就有打電話去對方手提，不過總係飛左去留言，於是又過左一陣，我就打電話去他的屋企，點知佢“矇矇鬆鬆”咁答我：“我好唔舒服．”，我昨日都知道佢有D唔舒服，不過在收線之前都無咩事了，但我等左成個鐘，佢都無打過比我，咁我又問佢：“你做咩唔打個電話比我先呢？”，佢只係答我，我６點幾已經醒左，食左D藥，之後又再瞓，我又再問：“你６點都已經起左身，點解唔打個電話比我先，通知聲我．”佢只係話佢好累，咁我就只有對佢講：“咁你繼續瞓啦！！”之後掛線．

我對住一個沒有責任心的人，非常氣憤．你病唔緊要，唔出得來都唔緊要，但你都應該在你醒的時候識得打過電話或者send個message比我，而我亦都覺我的要求不過份，不過我這個受害者仲要收到佢send比我的message,內容係“係咪你要買嘅野重要過我條命？”
佢根本就唔明白自己的問題，仲要怪我，怨我．．．今次其實都唔係第一次這樣，每一次佢都會怪對方先，好似我無聽電話，佢第一句一定係講：“做咩唔聽我電話？”，佢就係唔會問人係咪忙緊？係咪在toliet？係咪做緊野？　第一句，怪你先！現在的情況亦一樣，佢就係認為我掛線是因為我要買的東西最重要，佢病最唔重要，佢完全無諗過有人在等佢，等左成個鐘咁多，而佢仲可以安安樂樂咁瞓，呢個先至係問題，亦係我氣憤原因．

唔通，唔舒受就係＝大晒，唔洗理人！！！

我要檢舉
台長： 幸福小惡女

您可能對以下文章有興趣

人氣(55) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文