惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

今日係生日，希望可以喺快樂中渡過，但係個人一啲都輕鬆唔到！行程緊密，連小小休息時間都唔會有。

拍攝先去中山陵，同埋去咗明孝陵嘅四方城。

咁多日以來曬到爆嘅太陽，喺今日走咗，下午仲落咗場好大好大的雷雨，好在呢個時間，我地剛好食飯啫！估唔到呢場雨，令到秦淮河的步行街邊咗條河，行街shopping的人，都要間水而過！

下午，女主持來到，就開始拍江南貢院，天亦都落住毛毛雨，天色亦都愈來愈昏暗，導演愈來愈急，令到當時氣氛唔多好，EQ係時候要發揮。

晚上返酒店食晚飯，其實成隊Crew都知我生日，聽咗好多次佢地同我講「年年有今日」，同埋叫我幫佢地洗襪，真玩野．．．「年年有今日」呢句話真係話中有話！真多晒！

晚上食飯有差不多食完之際，嘩！有驚喜！佢地竟然準備咗個插住815蠟燭的小型生日蛋糕，好開心呀！仲唔止添！香港同事們之前托PA阿豪攞來一張親手畫的，好多人寫咗祝福語的生日咭俾我！好耐都無試過過有驚喜的日子！多謝一班可愛的同事，佢地的一字一句，我都會慢慢睇，睇完再睇的！太愛你地啦！無忘記到身在Fxxking Land的我！

上返房間之際PA阿豪話：你個房都有一個蛋糕，我訂個蛋糕時，酒店話送多一個喺你房。在場所有人都唔信，因為呢兩日大家都「非常認真咁講笑」，可信程度係零，但係返到房，真係有個蛋糕喺度！！雖然唔係好大個，但係一個人點食呀？最重要係，個蛋糕放咗幾多？haha！不過人地一番心意，我都隨便食咗少少！