惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

今日出去外景的地點先係廣播道＜謝女琪玩謝安琪＞的記者會，第一次見到Kay真人，個樣真係幾精緻，記得當年佢入行仲係鋼牙妹時，真係差好遠～

不過人紅自然有星味！

返返公司即刻將佢剪咗佢，但係比個導演發現我寫好咗，佢就喺office度話叫埋我出去拍劉家昌演唱會，不過更表原本係無編到七點要我出去拍，只係個演唱會完咗2300要去拍慶功，呢日個坐堂導演仲大大聲話我要出去，

原本編更的同我講，我可以食個靚飯先去拍慶功，因為佢已經同我brief咗問啲咩，叫我去聽佢唱三首歌，都唔知做咩！！！

我仲諗住可以同Jason食個飯先～～結果佢地焗我出去，超無奈！（Jason亦都要坐咗幾個站地鐵要折返．．．sor）

聽咗三首歌，悶到我不停打呵欠．．．之後暫時解散行咗兩個鐘頭街！

慶功去咗海港城對面的中港中心，一間叫南亭食日本串燒的餐廳，間野實太細了，四十個記者，再加埋大班嘉賓同劉家昌慶功＋慶祝生日，，起碼成百人，坐都無位，．．．迫到不得了！仲要捉人做訪問．．．張敬軒，Vincy，小齊，欣宜．．．同埋龍五個仔！向佐！

第一次見到龍五一家三口，個感覺好搞笑，即刻令我同個東張主諗起賭神！哈哈！

十二點．做完正經野本來可以食下野先走（呢間野都唔平～），雖然返家巴士站好近，不過怕miss咗班車，同埋，明日要我十一點返到公司，都係走人～～～

 

P.S.>>>>

近期好興的one tone color～

今日著咗好吸引人的目光！係尋日開倉買架！超平又好著！