惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

放工有兩件事要做,第一,係比<唔係小兒科>的飛喺美國返嚟的Vivi三叔三嬸,因為我要返工緊唔切,呢個任務交左比Jason.(三嬸好客氣,送左個Coach袋比我,好驚喜~多謝晒!)

第二樣要做的,就係出發去澳門,今次用係小君搵到一間旅行社賣平船飛,同埋加廿八蚊就可以去星際食buffet,或者加三十八就可以去金都食buffet,於是大家都試下金都,因為喺氹仔.二百蚊就可以坐金光飛航來回,當我去攞飛嗰時,仲發現回程比左頭等我!哈哈!好抵!

去到澳門,第一件事就係去食buffet,不過,係一場玩笑的buffet~唔知星際會唔會好啲呢?

 

是但食飽飽,就返返去威尼斯人,見仲有啲時間,小君就帶左我去NaRaYa,

原來除左泰國同台灣之外,澳門都有,怪唔之得多左咁多香港人用啦!但係我都買左一個喺香港未見過的款,同買左一個比家姐.

是夜重點嚟啦!蔡依琳演唱會,

估唔到六百八十蚊飛,都坐到咁遠,喺澳門開Show真係賺死佢,好在啲飛係何老榮比的,唔洗錢!多晒~~~~~

不過Jolin真係幾勁,咁多快歌,跳咁多舞都咁好氣,抵佢紅!

睇完Show,小君佢地返香港,我就同Jason過珠海,一直以嚟去珠都係住開金葉,今次去就見到喺金葉附近,多左兩間就嚟起好的新酒店,一間叫來魅力,另一間叫國泰,下次去應該開左業架啦!到時可以試下住,因為金葉真係舊了~

 

第二日返返過澳門,邊行邊食,好爽耶!

有台灣的胡椒餅,正!

同埋去行下睇下各大新賭場,新葡京,永利,星際,MGM.....之前去完美國,而家真係可以講一句,澳門同拉斯維加斯真係愈嚟愈似!但係MGM隻金獅係細左啲!

 

走嗰陣好期待,到抵頭等艙會係點,

原來係有一餐食,就好似坐飛機咁,
野飲都係任飲的!哈哈!so luck!不過我太攰的關係,食飽就即刻瞓著左了!