16/7阿咩嚟架之十天玩樂探友精華遊（４）＠惡料情報

2008-07-25 17:40:05| 人氣202| 回應2 | 上一篇 | 下一篇

16/7阿咩嚟架之十天玩樂探友精華遊（４）

推薦 0 收藏 0 轉貼0 訂閱站台

呢一朝又一早六點幾起身出發，去的就係自費節目大峽谷之行。原本只打算坐巴士遊大峽谷，但係經過兩三日領隊的講解我相信佢的介紹，佢話而家最出名的Skywalk佢會俾三至四粒星，但係坐直昇機同船遊大峽谷，佢會俾足五粒星！好！一係唔去一係就全方位睇晒！呢個全方位海陸空遊大峽谷行程，盛惠三百四十美金。

坐左三個小時車，開頭個多小時都有專業的大峽谷導遊講解呢個州，同埋呢一帶的風土人情，地理位置，財政狀況等等，之後就俾小小時間我地休息，到達之後第一站就係先到胡佛水壩同米德湖，當你親眼見到，就會知道呢個工程有幾大，因呢個米德人工湖可以供應幾個州的食水。

再坐多一陣車，入到去屬於印地安人的大峽谷西邊入口，就喺呢個地方，一行六人先坐上直昇機，由上空欣賞呢個超正大自然現象，由谷頂到谷底，

再到谷底坐船由另一個角度欣賞唔同顏色同形態的岩石，個船家係中國人，佢同我也一船人話：外國人只會坐十五分鐘，中國人就坐二十分鐘吧！佢唔止俾船上的小朋友輪流揸船，仲一邊講解大峽谷的形成，而且仲同我地搵一個最靚的角度影相，我同Jason成為第一個幫我地影相，角度特別靚！

坐完船，又坐返直昇機上去原來的地方，

開始坐巴士遊大峽谷，遊巴士有兩個景點亦即係得兩個站，第一個就係老鷹點，

呢度亦都係Skywalk所在，我地要放底晒行裝同相機，再著埋鞋套先可以踏上呢條橋，唯一可以影機的方法，就係幫襯佢地,橋上你影幾多張相都得，都係免費的，只係你要買相先同你計錢，print out一張相盛惠二十八美金，兩張相就五十，如果一家人去就可以買個一百美元的套餐，可以print out四張相之外，仲可以有呢四張相月石另外六張相的soft copy連USB比埋你，仲另加埋佢地公司影的一套大峽谷靚相添！呢個套餐一家人影就抵，我地得兩個人就唔多抵啦！所以我地只係買左兩張相當係一場來到紀念啦！（而家我突然諗起，點解唔問下得兩個人的團友有無興趣夾呢個套票呢？咁大家都可以有soft copy，又可以有兩張print out相囉！唉！）

睇完呢個Skywalk我地入左賣紀念品的地方，見到又有紀念銅片可以整，就整左一塊,打算影返張相，點知比個職員叫我地delete張相，原來除左橋上，呢一座building內都唔可以影喎！真無癮！

由於我地參加呢個行程包埋lunch，所以食埋野我地再起行。

第二個就係蝙蝠點，呢度可以行住睇的地方大好多，可以有更多唔同角度去睇，我地影相影唔停！不過因為太熱我無行到上一個小山頂，只係周圍睇下影下大峽谷壯麗景色。

睇完呢個點，我地就要回程了，三百四十美元睇大峽谷，我可以話係值回票價。

送我地返酒店之後，我同Jason決定去呢條賭城大街度逛下，又決定試下喺度坐巴士，之前領隊同我講過趕時間唔好坐巴士，因為等好耐，果然人好多，而且站站停，巴士司機仲要站站叫乘客行入D，一條直路用左四十幾分鐘先到街頭．．．七點幾鐘開始行，行入商場搵野食，行入賭場搵地方影相同玩下，再行入Mall度睇下有咩好買，行下行下，行到十二點幾一點，對腳又唔屬於我自己了，我地又再等巴士返酒店。

不過我發現Las Vegas的賭場最多唔係賭枱,而係老虎機，難怪澳門的賭業超越呢度啦！

我要檢舉

#美國#洛杉磯#拉斯維加斯#聖地牙哥

台長：幸福小惡女

您可能對以下文章有興趣

16/11濕地公園半日遊

6/4北上一天一夜

19/10黑色世界@四人遊

8/2我在福建的日子

人氣(202) | 回應(2)| 推薦 (0)| 收藏 (0)| 轉寄
全站分類: 不分類 | 個人分類: 玩樂遊縱 |
此分類下一篇:17/7阿咩嚟架之十天玩樂探友精華遊（５）
此分類上一篇:15/7阿咩嚟架之十天玩樂探友精華遊（３）

回應(2)