24h購物| | PChome| 登入
2008-07-25 14:41:20| 人氣132| 回應0 | 上一篇 | 下一篇

13/7阿咩嚟架之十天玩樂探友精華遊（１）

推薦 0 收藏 0 轉貼0 訂閱站台

一早就同Jason一人一件一件大行李出發去機場，早到左仲有時間食個burger King早餐添！由於我地係參加旅行團關係，所以去到要聽一大輪過境tips，不過美國又的確係幾麻煩．．．

過左關之後，都無咩時間，好快就要上機，我地將要坐十二個幾鐘飛機，呢次都係我坐最遠途的一次，好怕有經濟客位症候群，我有咩都問我係咁中左經濟客位症候群，每次Jason都會話，經濟客位症候群指對腳，而唔係其他野．．．哈哈！

由於尋日三點幾先上床，所以一上機就二話不說“呼嚕呼嚕”，只係覺得飛機的餐飲服務好煩，過一陣又攪醒人食野，過一陣又飲野。

（十二個鐘頭後．．．）

終於到左美國，而正係當地時間係七月十三日，變相多左一日！之前聽過Vivian話L.A.機場要出閘起碼要二個鐘，因為佢上次仲誇張到要兩個半鐘，所以我地都預左無咁快，但係又離奇地只係個半鐘，成團人攞晒行李，攪晒入境手續，個外關只係問我也一句有無帶超過一萬蚊美金。

行程一開始，我地就即係去Farmer Market同埋The Grove，呢度真係好有美國地道風味，個感覺有啲似赤柱，不過又比赤柱熱鬧得多，真係一個市集咁，不過呢度除左有小舖賣野食之外，仲有好多知名的商舖.

Apple都有一間，本來都想入去八下，但係要排隊，唔只係買iphone的人，只係睇下都要排，真係唔好攪我．．．
而我最鍾意就係有草地可以比人坐下！
去完呢度，就即刻轉個地點，去傳說中的荷里活大道，睇書睇電視就見得多，親身可以去到呢個滿地星星同手印的地方，好正呀！
香港Wall E就上畫，呢度都大肆宣傳呀！來到荷里活，梗係要睇下Hollywood山頭幾個大字啦！哈哈！

食完晚飯之後，就比左少少時間我地去附近超市買水買野食，外國野係咩都大啲呢?
我地就同團入面其中一個星人家庭一齊share一箱水，同埋幾盒士多啤梨，香港買的士多啤梨通常都帶點酸，但係呢度食到的係好甜架！超正呀！



是夜我地住的酒店係resort型的，所以就落左去泳池遊下水添！

我要檢舉
#美國#洛杉磯#拉斯維加斯#聖地牙哥
台長： 幸福小惡女

您可能對以下文章有興趣

人氣(132) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 玩樂遊縱 |
此分類下一篇:14/7阿咩嚟架之十天玩樂探友精華遊（２）
此分類上一篇:13/4香港體育節０８

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文