麥漢初個仔麥廣利 (30/12/2004)＠噹噹媽~亞曼達的秘密生活

2004-12-03 15:33:36| 人氣2,882| 回應0 | 上一篇 | 下一篇

麥漢初個仔麥廣利 (30/12/2004)

推薦 0 收藏 0 轉貼0 訂閱站台

話說星期日晚, 迪迪仔去左玩打拳機, 部機附近圍左好多人, 男男女女都在圍觀參加者的成績, 咁既氣氛之下好容易會出事, 迪迪仔為左不失所屬拳館的威名, 決定盡地一煲, 出盡力咁打埋去, 就係咁, 佢個搏頭即告受傷, 拖左兩日終於肯去睇跌打。

今晚經阿肉肉大師既指點, 我地去到麥漢初個仔麥廣利既跌打館, 一去到, 見到間野都幾大, 又光猛, 館內已經有幾個人在輪候, 最搶眼的還是綁了紅絲帶的"匹排", 佢係一隻史立沙狗狗, 佢一身森巴舞裝真係迷倒唔少女仔呀, 一入門口, 佢就熱情咁招呼我地, 佢係咁索我個身, 因為佢聞到臭屎噹陣味呀, 唔好睇佢咁好動就係百厭狗, 佢好乖架, 麻麻一聲號令, 佢就快快走到佢面前, 一講去街街, 佢就連自己肥壯既身軀都唔理, 一撲就撲上張椅繼而撞左埋牆, 真係好得意架。"匹排"使整間跌打館增添了不生氣, 令到原本痛楚等症的人都笑容燦爛。

終於輪到迪迪仔喇, 醫生把白簾拉上, 因為迪迪係要脫衫的, 我沒有跟他一起, 只是坐在外面等, 醫生問他哪裡傷呀, 然後就聽到迪迪大叫痛, 仲話好痛呀, 我知道他的確係好痛, 因為佢唔係一個隨便叫痛的人, 他還痛到腳都郁埋, 可想而知佢係真係好痛的, 醫館裡面除了醫師之外, 還有一個相信係醫師太太的物體, 她就是"匹排"的麻麻, 她聲音響亮, 見到迪迪叫痛還笑他不似男人, 真係俾佢吹脹呀。不過最搞笑都係阿迪d加拿大毛毛俾d膠布痴住哂, 到聽日搣開時就可以順便脫埋毛啦, 哈哈哈哈哈。

我要檢舉

台長：噹媽DA DA

人氣(2,882) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

噹噹媽~亞曼達的秘密生活 亞曼達是: 一個相信人善人欺天不欺的人 一個腦筋遲鈍的人 一個非常鍾意小動物的人 一個非常害怕昆蟲的人 一個想變成更瘦更漂亮的人 如果想跟她交朋友, 她總是不會拒絕的人 2愛的鼓勵 0訂閱站台

麥漢初個仔麥廣利 (30/12/2004)

噹噹媽~亞曼達的秘密生活亞曼達是: 一個相信人善人欺天不欺的人一個腦筋遲鈍的人一個非常鍾意小動物的人一個非常害怕昆蟲的人一個想變成更瘦更漂亮的人如果想跟她交朋友, 她總是不會拒絕的人
2愛的鼓勵 0訂閱站台