六月十日
『 早晨 』
昨晚睡前大家都說好了六時半就起床
但對於嚮受獨個兒寫文章的我來說
實是有點兒勉強啦～！
九時起床，睡了五小時多左右
我在拳打腳踢之下終於被人嘔醒了……
今天要到的地方是長城八達嶺和明十三陵
在旅遊書中提及過，星期五要到長城的話
就必得在十時半前趕得上“遊一路”線！
呀…慘喇…如果今日真係因為我而趕唔切
我老豆幫我ｃamp 定保費都得喇……
於事乎我就衝衝忙忙，求其擦過牙，頭都唔Ｇel 就聯同烏合之眾一齊出發啦！
好在北京的環狀地鐵很方便，班次又密
這交通工具令我不至於招至眾人毒打…
不消十五分鐘我們就從飛鷹飛到遊一路線的"前門"站了。
在地鐵站出口附近，都充斥著很多襟前掛著牌仔的旅遊車招攬員
先在地鐵站裏頭，我們都接到公安的告示紙條說不要光顧那些不名來歷的旅遊線
而那些死唔斷氣的招攬員都不斷以親切的態度來游說你乘他們的旅遊線
精明的消費者當然不會墮入這些無牌經營者的圈套，但Ａbz 先生似乎被某個大嬸搭上了…
幾經辛苦，在一連串的反游說之下才把那個大嬸弄得走
“報時唔該！”
“九點半咋！食個早餐啦！”
之後我地就走左入一間有包有麵食既地方食早餐喇
果碗熱豆漿真係好味到加零一嫁！！
今日又有親發現啦！原來大陸既地方都係要先比錢後交貨既
過左無幾耐，無啦啦有個女仔走過唻問我地係咪問我地想去長城喎！
個女仔後後生生，斯斯文文咁，同Ｇap 良、Ａbz 嘰嘰咕咕唔知講乜
哦～原來呢條友都係Ｄ旅遊車招攬員唻既
似乎有人又想再落搭咁喎～咁我咪用廣東話話唔好理佢囉～～
跟住果個女仔就裝出一副可憐相出來，Ａbz 就話；
“刀樓遮高dee bu，喎意精bu 之刀再山詢睡姣喇！”
（到了這個地步，我已經不知道再相信誰好了！）
之後果個鄉姑就即刻露出原形，苦埋拋鰓，死古古咁走鬼左喇～
Ｙeah～食過早餐之後，走左去問個信得過既公安大叔
聽他指示過了馬路就找到可以座到去長城的車子了～
本來我以為自己Ｄ普通話已經幾骨嫁啦～
但係到目前為止，所有對外既對談基本上都係交比良同z 付責
我同金年嚮旁邊都係做參謀長，唉～翻到香港要學翻好Ｄ國語先得喇…
好！出發！！
『 摧眠小姐 』
摧眠小姐…是我打出娘胎以來見過…
…最有潛質做中史教師的女仕
…最有忠氣唱Ｒap 歌的人
…在不斷移動的地面上平衡得最隱的人
但摧眠小姐的正職…卻只是遊一路線車上的導遊員…
呢條友一定係痴線嫁…
由我地架車開始行駛既時候
佢就不斷一輪咀咁講野，坐都唔洗坐咁
雖然我聽唔明佢既所有內容，但我依稀聽得出她是在訴說旅遊車經過那些景點的歷史故事
“我睇你唔到～我睇你唔到～我睇你唔到～”
盡力封閉耳朵之下，我試著望出窗外的景色
旅遊車駛出市中心之後，來到一片較為荒涼的景象
這種畫面，總是令人聯想起路上會站著一個四歲的小伙子看著車窗的情況
就像那些樂思會廣告中介紹貧民堀那兒必定要加插的畫面一樣
未久…真係有個細路一丁友咁企左嚮公路旁望住我地架車…
喂～細路，你係咪收左錢嫁？？
自己一條友就唔好走唻山卡拉既地方啦～撞鬼咩
途中我地架車又經過北京沙塵暴既發源地～果度真係一片好大既半沙漠唻既
在荒地之中，又時不時見到有Ｄ旅館同埋餐廳
“乜呢Ｄ地方都會有遊客嫁咩，我真係覺得佢地維生唔到囉～”
Ｔhen 又經過傳說中既"小人國"，從車箱中望出去果度Ｄ物件真係特別細咁既
本來想叫埋北京俠其餘三人一齊望過去，但係佢地早就已經慘遭摧眠小姐毒手…
“我睇你唔到～我睇你唔到～我睇你唔到～”
仔細聽一聽摧眠小姐用既聲音，原來佢較大左個Ａmp 既Ｅcho～
“哦…
怪…唔之……
得啦………Ｚzz…Ｚzz…zz…”
『 好漢 』
唔小心中左招添！真係老貓燒鬚喇！
醒翻既時候都進入左長城既範圍啦～
經過左岩岩修輯好既居庸關、天下第一關牌坊
旅遊車行多一陣就到左八達嶺喇～
在爬上八達嶺之前，我們還要走一段小路
途經一個兒童遊樂場的東西，但在裏面的並不是孩子
而是三隻巨大的黑熊！
天阿！那隻黑熊只要站起來，用腳跨過欄杆就能出來吃人啦…
快走呀！快走呀！
然後又經過"不上長城非好漢"那塊石牌
在這沙塵滾滾的地方，有個商人帶著一只駱駝和一只白馬
我只在背著商人的時候，偷偷的為那隻白馬影了一副相
在我眼前不會動的白馬和駱駝是活生生的動物來的
但牠們的主人將牠們訓練到在陽光底下都可以"丁"著腳而不動
不然就不給他們吃食物（這是以前從我二佬口中聽回來的）
真的很殘忍呀！！
再爬上了一條小路，我們就到八達嶺長城的小關口了
從地勢看上去，八達嶺真的比居庸關難行好多啦！
在學校裏頭的中史書中看到的長城其實只是其可愛的一面
長城本身的醜陋真是邪惡得可怕！！
你有見過一級樓梯可以高至你的膝頭嗎！？
一級樓梯的闊度也只是僅僅的一隻鞋的長度
在你眼前的基本上不是樓梯，真相卻是一度牆啦！
中二果時，Ｍiss Ｌam 教中史話長城係秦朝時期建唻抵禦北方的金兵
打仗的時候士兵和馬匹可以在長城之上走動
今日我才知道，秦軍最大的傷亡並非被敵軍射殺
而是本身在長城上仆鬼死～哈哈哈！
我話秦始王都痴痴地線既～整條咁爛既路Ｍark 住幾個山
搵鬼行咩～
我地行左個半鐘，都行唔到兩個關
之後就衝翻落去原先個小關口，從果度沿路翻去旅遊車ｌu
沿路又有好多賣Ｓovenir 既店鋪
精心挑選之下，看中了那盒小手飾盒子^^
我叫那個店員拿出新貨的幾盒，然後偷偷的將四個最靚的抽起來放左一盒裏面啦～哈哈
然後又買左兩件長城Ｔee 做紀念，一件係我既，一件我二佬
果時都睇中左果個平安鼓小繩，只係趕唔切去買咋…
給了五毛子那個廁所小生，小個便後剛剛好在車門關時上到車ｌu
“呀！？原來你有買個平安鼓繩嫁！？
讓比我啦～當我求下你喇～ ”
“妖～屎忽鬼～屎旦啦”
好采z 有買到條繩咋～不過真係唔好意思啦，就咁比我笠鬼左
此恩此得，無以為報 Ｔd Ｔ"
遊一路線開始行駛之後，我地幾個都興致勃勃咁期待下一站明陵既
但摧眠小姐又開始講野喇…
本來我地都想試下盡力去聽佢講Ｄ乜嫁…
無奈…哇…Ｅcho 呀……
Ｚzz…zzzzz…
醒來的時候，看看手錶都已經三時許了
原來我已經睡了差不多一個小時
摧眠小姐都仍然嚮到講梗故事… ＝Ｏ ＝""""
佢係咪人唻嫁，講成兩三個鐘頭野唔洗抖嫁…
佢真係句與句之間無停頓，接住去咁講嫁，白痴線嫁
『 皇之墓 』
明十三陵位於北京西北郊的昌平區
是明朝（１３６８年－１６４４年）十三位皇帝的陵墓
此外還葬有廿三個皇后和一個貴妃
陵區面積約四十平方公里，相當於五千五百個足球場
十三陵中，凡皇帝生前就關始修建
一般較為考究，用料也精，如成祖長陵、世宗定陵
凡皇帝死後建的陵，則規模小，工程也較簡單，如仁宗獻陵、憲宗茂陵等
（
http://www.chiculture.net/1205/html/b04/1205b04.html）
下了車後，又是買門票的時候了～
嘩～！￥４５？！唔洗咁貴呀化？去睇個墳墓咋喎？！
好在那兒的告示版寫著北京的旅遊點都會設學生半價票
不！慢著！那麼剛才我們在長城那兒不就白白用掉了些無辜錢！？
呀……………
算了，機票果度都比人吞左六舊，都唔志在果區區二十蚊啦
問心果句，我真係覺得長陵無乜特別亦都無乜野睇
只不過係行過左一條好長又多暗梯級既長廊之後會見到一座啡色既柱
果條啡色既柱就係明成祖既墳碑，上面寫左好多讚佢既字
之後我地就沿路翻去本來停車既位置喇～
我同良嚮同一個ｍoment 踩中左途中既一級暗梯
其實我真係認為明朝果Ｄ皇帝多數都係仆死囉～
個公園起成咁樣，想個皇帝長命Ｄ都難啦
年紀大就機器壞，七老八十咁樣仆法唔斷肋骨都偷笑
點諗都諗唔明點解呢度入場費可以收到四十五蚊咁貴
某個程度上我欣賞香港科學館多些，至少我會嚮裏面留一日都唔願走丫嘛
長陵行八個字就乜都行得晒喇～
唯一解得通既解釋就係皇十三陵被納入為聯合國世界歷史文化遺產啦～
如果唔係一定無可能收得咁貴
上翻車之後，一坐定車子又開動了～
噢！Ｓhit！這個時候應該又是…那把聲音…
“姣喇～奸柴喎民意精刀……”（好了～剛才我們已經到……） （註：Ｅcho 播放)
Ｚzz…Ｚzzz……
嗚哦～又睡了不知多久了～
我醒來的時候，北京俠們都仍在熟睡中
那時本來想拍下良熟睡時，口打得很開、頭向上的樣子
拿出相機來，他的頭…竟然……
嘩嘩哈哈哈！！！我真係唔知點講比你聽
果時佢果個樣，我真係笑左成個字都收唔到口啦！！嘩嘩哈哈哈！！
未久，到了定陵
再次付一次門票錢……
問心果句，我真係覺得定陵無乜特別亦都無乜野睇
只不過係行過左一條好長又多暗梯級既長廊之後會見到一座啡色既柱
果條啡色既柱就係明神祖既墳碑，上面寫左好多讚佢既字
之後我地就沿路翻去本來停車既位置喇～
我同良嚮同一個ｍoment 踩中左途中既一級暗梯
其實我真係認為明朝果Ｄ皇帝多數都係仆死囉～
個公園起成咁樣，想個皇帝長命Ｄ都難啦
年紀大就機器壞，七老八十咁樣仆法唔斷肋骨都偷笑
點諗都諗唔明點解呢度入場費可以收到四十五蚊咁貴
某個程度上我欣賞香港科學館多些，至少我會嚮裏面留一日都唔願走丫嘛
長陵行八個字就乜都行得晒喇～
唯一解得通既解釋就係皇十三陵被納入為聯合國世界歷史文化遺產啦～
如果唔係一定無可能收得咁貴
事情就係咁喇
獨句慧眼的讀者一定看得出上面的字跟本是照版煮碗的吸過來
（我不是收稿費，用不著付啥責任哦～）
對哦～那個定陵亦都是那麼照版煮碗的吸過去
挺多都只是加多一個地下墓室吧了～
差點兒忘了記低那使我著迷的語句
就是我們在那個定陵走來走去時
在皇墓花園那兒見到那塊插在草地上的木牌所寫的字
【 芳草萋萋 踏之何忍 】
當時靖某便立刻想到，如果我有一塊血肉之牌
我都想寫下同樣的字，插在我心藏之上讓 看
待續
