呢個星期節目都幾精彩呀(同上個星期考完試比爭得遠,由頭訓到尾~)
星期三一大班同學去左william屋企玩,佢屋企嚮火炭,係我從來未去過既地方~約左係2:00等,但係一向遲到既我就變左最準時個批~(係火車裡面都可以撞到阿成....好彩...........都無衰到......)
去到都係打下機,玩大富翁同吹下水咁,佢間屋除左大之外,出面既設計仲好似酒店,當我地準備入去既時候,突然間有個阿嬸係隔離屋行出黎,十足十酒店d清潔工人執完房咁~..果然係豪宅
玩完去左"拾下拾下",可惜有幾位唔得閒走左先,期間討論既話題有部分實在有d廢,用management黎做比喻似乎唔太適合..~
食完去左打機同影貼紙相,之後俾阿鵬帶左去搭K16,不過係嚮tst....南下再北上咁番番屋企~~係唔錯既一日~
至於尋日就梗係又出左tst,不過出去都唔太知做咩...人又多,純粹係感受下氣氛同埋同松青,豬標佢地相聚,吹下水
出到去以為會撞到熟人tim,點知....撞到既竟然係以前番工既一個女仔....都算係熟人既...不過佢唔認得我gei~反而一路行,一路收SMS~~跟住我又send番比其他人,因為俾警察攔住唔俾行個陣時實在係太無聊喇!!!
行完就去左打機~玩捉錯處,四個人一齊望以為好掂,點知到最後都係要輸....
跟住就落旺食糖水,松青話好出名,點知真係出名得滯,d人多到冇伙記黎招呼,搞到隔離有一檯忍唔住發怒,仲以為會打架tim....(不過d糖水又真係幾好食既....)
玩完食完就番屋企,點知中途見到有架摩托轉個快夾彎既時候成架訓左嚮度......仲以為會有人嚮平安夜樂極生悲,點知.....個司機竟然咩事都冇...夠哂好彩,我諗佢自己都難以相信
文章定位：
人氣(23) | 回應(0)| 推薦 (
0)| 收藏 (
0)|
轉寄
全站分類:
不分類
