今日係最後一日返工, 呵呵~~唔知點解會好開心, 今日著左條裙仔, 哈哈, 好日都唔著一次, 不過見今日last day, 著返次咁lor~~~今日joey放假, 我依舊係自己一個人開門, 朝早都係冇野做, 悶到訓......就算有野都唔做啦, 除非係佢地開到聲話要做o既, 如果唔係就一定唔做啦, 一係就求其馬虎了事啦, 佢不仁, 我不義, 鬼叫佢呃我d錢呀!!!!!! 到下晝3點幾先有人黎上堂~~~ Chris (一個結他亞sir)仍然係遲到, 見佢咁多次都係咁, 準時同早到都好少會起佢身上見到!! 今日都係要做義工, 對住3個細路同一個form 1 o既女仔, 其中2個細路都好乖o既, 因為同佢地friend嘛~~~另外個個細路就新黎o既, 佢真係好死naughty, 讀小一之嘛, 成日起度駁嘴, 又唔聽人講, 成日掛住撩人玩, 人地做乜又要八卦喎, 乜野事都有佢份, 對住佢真係覺得好煩, 另外個2個細路都唔係咁鍾意佢, 都話佢好煩!!! 個個form 1 o既女仔, 唉...永遠都唔知佢想點o既, 成日唔出聲, 唔識o既又唔問, 問親佢有冇邊d野唔識, 佢又永遠都話冇bor, 串d生字串成世都串唔到, 佢都冇乜心機溫o既, 成日起本書度玩公仔同寫字, 一係就係起度發白日夢.......問親佢野佢又好似好唔鍾意咁樣喎, 成款串樣, 好唔耐煩咁o既樣, 佢又成日對住你咁喎!!!!! 對住佢真係冇哂辦法, 佢日日都係好似係俾錢落黎坐咁, 夠鐘就走, 真係好浪費d錢lor, 有多o既就不如俾我啦!!! Chris又好死衰喎, 上完堂臨走個時仲話我今日做乜咁著得咁young, 好似咁妯個咁, 咁人地根本都唔係好大個je, 19歲之嘛, 廿歲都未夠!!! 真係俾佢激死~~不過佢係幾好玩o既~~ >.<" 同Rei (一個女鋼琴導師兼補習老師) talk左一陣, 話俾佢知今日我返last day, 佢話佢以為我會返到星期六tim, 本來想同佢講埋點解我會早d走架(我上一篇日記有講架), 但係當我想講個時, 琪琪就返左黎, 咁我地就冇講到lu, 而佢都走lu, 不過我地話起icq先至再講, 哈哈~~~今日埋數唔駛我數錢, 由琪琪數, 我只係負責計今日o既收支, 好野!!! 唔駛我埋就最好tim啦~~~數錢都真係好大責任, 數唔岩就好大鑊!!! 埋完數都仲有時間, talk左一陣咁lor, 俾返舖頭條key佢, 不過好差呀, 佢話大老細未計好我d糧, 佢叫我過幾日打俾佢先出去拎, 真係好麻煩, 明知我住得遠架啦, 又要人特登走一次出去拎!!!!! 唉..............算!!!!!!! 我忍你, 只係睇在錢份上, otherwise我真係對你唔客氣!!!!!!!!!!!!!
文章定位：
