"寫我深情"日記板 "寫我深情"日記板 尊重知識產權，如欲列印日記內容, 請先與小弟聯絡或接洽! dicky9394@hotmail.com thanks!

89愛的鼓勵 1訂閱站台

7月21日(星期四)         晴

 

是日也! 探Auntie, 得悉祖母稍後才做手術, 要出院,晚上出尖沙咀會合Tebbie往BV Kitchen 食dinner, 我們點了水耕菜沙律, 虎蝦卡邦尼溫泉蛋意粉、泡沬龍蝦湯、caffe mocha、蕃茄汁和意大利芝士餅, 水耕菜沙律, 菜好新鮮爽口, 車厘茄好鮮甜、火箭菜好清新, 配上海鹽, 黑醋和lemon 汁, 食落令水耕菜更加爽口；虎蝦卡邦尼溫泉蛋意粉, 虎蝦煎得好香, 蝦好新鮮彈牙, 溫泉蛋好香好滑、卡邦尼意粉好滑, 汁食落不油膩, 美味；泡沬龍蝦湯龍蝦味好重, 湯好足料好濃、龍蝦彈牙爽口, 唯一略嫌湯比較細碗；caffe mocha咖啡好濃好香滑、蕃茄汁味道鮮甜, 最後意大利芝士餅酒香味濃, 餅底好香好脆, 士多啤梨甜度適中, 餐廳環境坐得舒適, 適合傾計聚會的好地方, 期間與Tebbie交流住屋, 可惜單位可遇不可求(期間知道自己有好多不足, 好注意!), 最後陪Tebbie購物回家, 回家與Kelvin和Ta姐傾電話後便” 大灘”