"寫我深情"日記板 "寫我深情"日記板 尊重知識產權，如欲列印日記內容, 請先與小弟聯絡或接洽! dicky9394@hotmail.com thanks!

89愛的鼓勵 1訂閱站台

2月4日(星期六) 晴雨

小弟今日day off，9時起床，之後收到來電body check改下週二晚5點半，咁小弟咪要11點半食lunch(因為body check前6 hours不可飲食，飲清水除外!)，之後便幫細妹安裝web cam，然後便往沙田中心匯豐取Visa card! 之後便搭KCR往尖沙咀搭船往上環接Joanne放工，一去到上環，收到Joanne來電話往恆生入票，之後小弟便陪Joanne入票後接Joanne放工。放工後便一齊往大會堂睇郵展(多謝Joanne送了麥金雞給小弟，多謝妳!)，郵展商比小弟想像中小，睇完便一齊搭船往尖沙咀食lunch，Joanne原本想去食牛丸，點知間舖初八才開，Joanne於是食雪菜肉絲米粉+多士+火腿奄列，而小弟則食揚洲炒飯+熱好立克，Joanne勁好，比左半件多士+成件火腿奄列和大量雪菜給小弟，食到超飽!d餐Joanne請，多謝妳呀! 之後便由尖沙咀步行往旺角，期間華妹話想買龍鬚糖給西安義工食，於是我們便一齊搵，結果找不到，唯有改買糯米磁，去左朗豪坊奇華買(步行期間收到沙爹王的傳單，免費試食白咖喱朱扒飯!)! 之後便往步行街椰林閣會合華妹，去到樓下先見到Eric，好滄桑呀，猶如輸錢的我的模樣(講笑!)，上到去見到銘爺，華妹和2位西安義工，期間大家order熱奶茶和茉莉奶茶竟然等20分鐘都未有，服務態度奇差，見到銘爺和Joanne好火呀，結果杯飲品由堂飲變左外賣，之後大家便往YMCA賓館送行，見到導師Miranda(點解向Miranda講祝賀說話冇紅封包呢!^v^)，阿暉、Ada、Gladys、阿芯、Helen、阿瑩和Ta姐! 期間認識到於ICQ識的西安義工趙珊，nice to meet you呀! 今次活動辛苦大家，下次見到大家請大家食蛋撻好嗎? 送別完西安義工後，小弟，Joanne、銘爺和Ada一齊走，之後小弟和Joanne帶Ada搭巴士後，小弟和Joanne便往沙爹王食dinner，我們order左雞件，蚵仔面及免費白咖喱朱扒飯，但碟飯好細，食得不飽呀，但價錢ok，連兩杯飲品都係$55，抵!^v^食完dinner，Joanne帶小弟往尖沙咀OK便利店申請繳費聆和教小弟如何使用新網絡供應商手機留言信箱服務，謝謝Joanne教曉我呀!^v^之後便搭船轉2X往筲箕灣，Joanne要羅野給祖母，於是便陪Joanne往祖母家，上到去得知Joanne祖母未返，於是便係家中等她，期間阿Sue請我們食野(謝謝妳!)，Joanne比左好多糖果和餅給小弟於車上吃，好開心，之後便看少林足球，等了一陣祖母返黎，祖母代Amy給兩封利是給小弟，之後祖母給了利是封給我，Joanne話小弟係祖母家「又食又拎」，小弟都不知怎回答好!( 祝祖母身體健康! 笑口常開!) 然後，致電Amy多謝紅封包，祝妳身體健康，身壯力健! 最後送Joanne回家後便搭小巴往紅磡轉KCR回家，期間與Joanne狂玩SMS，so good(d個係兩人同一手機供應商的好處! 同時小弟食哂Joanne比的糖果和餅乾!) ，回家期間天降豪雨，幸好有雨傘旁身，避過一劫!

返到屋企先處理繳費聆登記和處理手機網上帳單事宜! 之後與華妹傾電話和與Joanne chat ICQ後便sleep!

P.S: 再送多2張!隨diary附上小弟於1月7日於西營盤社區中心參加輪椅舞比賽時的photo! 第1張:已化妝的「靚仔」小弟!