１９號教會去旅行，我主要係做趕鴨仔既工作。
點Ｄ鴨仔上船、有冇走失、食飯齊唔齊數，同班鴨仔玩遊戲送禮物等等．．．結果自己同媽咪都冇咩時間去玩。
途中收到小郡主既電話，約我去睇ＨＥＲＯ，呵呵﹗原本諗住上星期可以睇到既機會近乎０架喇，既然郡主大人叫到梗係奉陪啦﹗勁勁勁好睇呀﹗雖然中間去韓國一段好無厘頭。木村仍然係萬人迷木村，雖然近鏡影到佢好多皺紋但都仲好有型﹗松隆子就差Ｄ喇，唔好好保養之餘仲狂食煙，殘左好多﹗其他人唔講喇，總之好好睇啦﹗
之後試左間新開既日式咖哩店。好好味，尤其係牛舌﹗唔怪得ｗ－ｉｎｄｓ. 成日都話要食牛舌啦﹗
２０號去出席由細識到大既教友婚禮，見番Ｄ好耐冇見既朋友，都幾開心﹗其中有一個竟然結左婚都唔話我知﹗之後仲不停周圍狂影相，交換聯絡方法等等，好似我地班人仲忙過新娘換衫咁。
２１號，又走番入九龍灣，因為要參加一個比賽。嘩，Ｄ問題深到死，冷氣又凍到死，所以大家一到宣佈有邊八強之後都走咁一半人喇。
基於安慰獎係最後至派發，於是我地都堅持到最後至走，一路食住薯片返屋企。今次真係好佩服得到冠軍一隊，真係好勁﹗咩都識﹗唔做日本人真係浪費晒﹗
２２號凌晨４點半，無啦啦要入廁所痾，仲痾痾下嘔埋添﹗救命﹗
個肚係咁翻騰，搞到要請病假，成日鲻覺，不過都有起身睇下電視，食下野，落街行下睇靚仔醫生。呵呵﹗
唔寫住喇﹗一陣要準備，我又開始上堂喇﹗
文章定位：
