食完飯，就去 w-inds. 既香港唱片公司度喇﹗上到去，已經見到好多 w-inds. 既 Poster，間 Office 比我想像中細好多好多，只有一個單位，而且可以望到裡面少少，好鬼亂，同埋真係好 Office 款囉﹗我表明來意後，工作人員就丟咗三張紙叫我是旦抽一張，上面係分別有寫 Size S、M、L，我抽中咗 M（我果然係一個 M 女），於是就攞咗件中碼衫走喇，臨走時拎埋佢哋個紙袋走，不過上面印住既唔係 w-inds.，而只係唱片公司既嘜頭咋﹗不過唔緊啦﹗走前仲望多一陣 D 海報至走，因為雖然只得幾張，但係都好壯觀架﹗
出去電梯口拆膠袋（其實應該喺裡面拆既，不過當時諗唔起），發現我要既中碼就係下面張相咁喇﹗
好鬼大件，好似男裝既中碼，女裝既加加大碼咁，著咗好似著裙咁，我諗要改裝至可以著喇。個款其實之前都睇過，而家真品喺手上嚟睇，真係好似 PE 堂既 PE 衫，個 Logo 咁簡單，我諗遲 D 可能女人街都會有呢件翻版喇﹗哈哈﹗
真係 M 碼架﹗
文章定位：
