24h購物| | PChome| 登入
2004-05-25 07:50:57| 人氣53| 回應0 | 上一篇 | 下一篇

緊張

推薦 0 收藏 0 轉貼0 訂閱站台

今日要同親戚返大陸,講起我駛唔駛執正d唔好失禮阿媽,阿媽就話"返大陸著咁靚做乜?"媽咪有時都幾緊張,夜d返佢都會打電話黎,唔返屋企佢都會扯火扯到訓唔著

細佬仲緊張,佢即刻話"返大陸唔准著背心呀,吊帶呀果d,一定要著長袖加樽領"
果陣真係呆一呆,佢仲緊張過男朋友仔

講起男朋友仔,佢把口成日都叫人著得少布d,但係有時同佢行街,我睇到d短裙想買佢都話唔好,話俾人睇蝕,果個時候就會話平時講下笑,唔駛咁認真,就連我自己想買既裙仔都唔俾買,其實果陣都幾lum

其實果陣同佢一齊都只係大家for fun,但過得耐左,感覺好似唔同左咁,佢間唔中都算對我唔錯,係會少d時間陪我,不過起碼一定唔算係差,叫做每日都有電話打黎睇下我死左未,知我近排發生咩事.我諗好多男仔拍得耐左都未必做到,出到街都算係咁,都算做幾開心,都算係幾就我,係就係懶左dd

同其他人分一個人其實又冇乜感覺,只係時間少左,唔知係我唔夠鐘意佢定點,我可以同佢傾佢女朋友d野我都冇乜唔開心,但我同其他男仔d野就唔講得,佢開初成日叫我搵個好男仔,但到左宜家我同其他男仔出去呀講下電話佢就扁晒咀

調返轉,開初我同其他男仔出街甚至其他野都唔覺有問題,(其實宜家都唔多覺),但係對住佢就多左一種唔想識其他男仔既感覺,又好似果陣咁,冇晒其他朋友,都唔會話特別想識其他朋友,都唔會做其他野,因為我會記得佢,當然同之前果個比,之前果個都係緊要好多

其實緊張一個人好辛苦,諗返上一次拍拖對果個人果種緊張,長期都精神緊張,成日都要諗住佢做緊咩,係咪同緊其他女仔一齊,好辛苦,明知佢出面有唔知幾多個人,但又唔敢出聲,應該話出聲都冇用,佢都唔在介我諗咩,佢出面大把女都要留我係度,宜家呢個起碼佢出去玩,如果佢唔老實講我真係會唔知,但之前既人唔會理我點諗,同宜家呢個成個幾兩個月唔見都唔覺得得返自己一個人,起碼都會有電話黎關心下

我好想佢可以當我係一個朋友,其實一個普通朋友我已經好開心,但宜家咁,諗起佢我已經好唔開心,好似就黎傻咁,比起之前我覺得我已經好左好多,諗返果陣,我覺得我係已經有d問題,宜家已經算係咁,但都成日會諗起佢,可惜我唔係佢朋友,以後都見佢唔到lu..........

我要檢舉
台長： Ball King
人氣(53) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文