星期六我又再一次去左露營啦...
今次既地點係西貢既白腊,
同上次唔一樣,我地係西貢碼頭只需要坐一程的士,
跟住再行15分鐘就到啦~
去到都係起下營,整野食咁...
不過今次冇左超好人阿姐LU..
0個間士多乜都要收$..連水喉水都要..頂佢吖....
由於0個度係冇街燈既關係...我地都好驚唔夠電筒..
不過美麗既月亮小姐救左我地...
佢一出場..真係技驚四座呀...
成個沙灘都光晒呀...
0個度又勁有風,坐係度對住個月光天說地...FEEL SO GOOD~
不過沙灘都OK蚊都沙蚤,好彩我冇被咬...
但D男仔被咬得好慘呀...
夜晚唔知點解訓唔著羅...
可能本身唔太舒服卦...
成晚勁醒...>0<...不過第二朝都8點起左身LU..
一出去，勁好天．．．D水超清呀．．．好靚呀．．．
緊係拿拿林落水玩啦．．．
訓係浮床度真係人生一大享受呀．．．
跟住又玩浮床疊羅漢．．．最終俾肥DON坐爆左張床．．哈哈～
有人話要去行木棉洞．．．我得拖鞋０乍．．．
本身話唔好，但我個FRIEND話好靚０架喎．．．同埋行２０分鐘０者．．．
咁咪去羅．．．點知行左一陣已經出事．．．
頂..．頂路勁矮樹刮腳．．．行行下又行錯路．．．
跟住唔知點解要爬懸崖咁．．．一差錯腳就係咁先．．．
d碎石又係咁跌落黎．．．差d飛爆後面個人個頭．．．
行左一個鐘度啦．．．終於都到啦．．．
個洞就冇乜特別．．．不過一路上既風又真係幾靚既．．．
行過黎其實都幾刺激，不過因為我知我自己大意．．
所以都幾驚．．．最後都整捐晒d手手腳腳咁羅．．．
到返去沙灘已經好夜要拾野走lu...
出去西貢食埋晚飯．．．
唔知下次露營會係幾時呢？
食飯時同佢地講開d野．．好好笑．．．笑到個面好痛．．．
我先諗起，原來我以前成日都會笑到個面好痛架．．．
不過好諗都冇試過咁笑法lu...........
我屋企呀．．．
對住月亮傾計，我同我個friend都話如果隔離０個個唔係你會仲正羅．．哈哈
超美的月光～～～
早晨呀～靚靚海灘～～～
當３點式遇著偷渡客．．．．
開始越來越多遊艇，人又多左．．．又多左電油味．．．e.....
全靠呢個天幕我先唔駛晒甩皮０乍．．．
千祈唔好問我個post搞乜．．．我唔知呀～～～
文章定位：
人氣(119) | 回應(0)| 推薦 (
0)| 收藏 (
0)|
轉寄
全站分類:
不分類
