24h購物| | PChome| 登入
2004-01-07 01:26:13| 人氣60| 回應0 | 上一篇 | 下一篇

屯門盃比賽~匯進VS沖捷

推薦 0 收藏 0 轉貼0 訂閱站台

3/1/2004(星期六)依日係打屯門盃，我地匯進今場會對果隊叫沖捷，六點鐘先打，我地就約左五點去到友愛體育館！咁下午我就同阿媽係美心快餐食下午茶，之後就返屋企拎埋個袋就搭輕鐵過去友愛體育館，去到都係差唔多四點啦！去到果時就打緊元朗VS青華，仲要打到去第三局19:19，果到D氣紛勁緊張呀！最終元朗以21:19贏左！之後阿邦都黎左，咁就同佢係隔離場搓左一陣波，之後又睇下協興VS青木(即係庭木)，佢地打完第一局，我地就去換衫喇！出到黎睇埋佢地打，最終都係協興贏2:0，咁之後到我地喇！咁我就同阿邦，阿峰，女巫搓波，之後就熱身！好喇！開始第一局，首先，由阿細同阿東打大槌，阿峰同女巫打中間，阿水打後二，阿邦setter，我就L，一開局，我地都唔係咁好，輸左幾分先，好能大家都未入局，我自己都未集中得到，之後阿邦開波個位連拎幾分，追返上黎！最終第一局贏25:20，我覺得自己打得唔好呀！到左第二局，都係照樣陣容出，今次開局我地拎分先，但係之後我地D一傳做唔好，俾人追左好多分，仲俾人地反超前，途中阿霖換過阿東落黎接一球一傳！之後我地都唔係打得幾好，輸緊25:16，跟住阿棋換左阿邦，好好彩，我地連追九分25:23贏第二局！果時真係好開心，估唔到我地可以連追九分贏左！打完之後就檢討喇！檢完就換衫走人！

PS:我覺得今日我自己打得唔好呀，特別係係第二局，我D一傳整到好近網，整到阿邦好難set，又搞到做唔到戰X，真係好對唔住呢！我又守唔起人地D波！我太緊張喇！搞到咩到慢左好多去做！所以今場D一傳都係我既錯啦！
唔得~~~我下場一定要打好D先得！做得到既！

我要檢舉
台長： Cheuk Lai
人氣(60) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文