24h購物| | PChome| 登入
2008-04-04 00:43:41| 人氣155| 回應0 | 上一篇 | 下一篇
推薦 0 收藏 0 轉貼0 訂閱站台

溫暖人心的麥當勞廣告

好耐冇睇到一個生活氣息咁濃，溫暖人心ge好廣告。如果你最近都有留意開電視(香港電視丫唔該)，就應該會睇到一個新ge麥當勞廣告。首先一個阿媽拖住個仔，不停咁係繁忙ge城市中穿插：先帶佢去學拉小提琴，急匆匆地離開後，又去學圍棋，又急急腳咁走左，再去學游水。正當佢地忙住去下一個學堂之際，個仔對眼被麥當勞吸引住，忍唔住拉一拉阿媽，阿媽順住個仔ge眼光望到麥當勞，就一齊走左入去叫左個餐。個仔好開心咁拿住兩條薯條玩左一輪先食，阿媽見到呢一幕，理解咁笑左一笑；當佢走埋去ge時候，阿仔小心翼翼咁問左一句：「要走啦，媽媽？」阿媽摸摸佢個頭，和顏悅色咁講：「唔使急啦，慢慢食。」
而家ge都市人咁忙，忙到忘記左點樣去珍惜一樣野，與此同時，不斷咁樣失去其他野。細路仔更慘，邊個叫而家社會競爭咁大呢？每個父母都望子成龍，望女成鳳，要畀d仔女多d籌碼，將來先有前途。當然，最理想ge解決辦法係呢個社會唔好要求太多，而應該更注重人民ge生活健康；但係眼下未可以實現呢個發達國家先有ge社會，畢竟提升自我競爭力亦唔係壞事一件，所以當然唔可以阻止人地整日價忙。只係，係心境稍稍平和澄清時，細心回想，究竟我地係「忙忙忙」ge藉口之中，失去左d乜？

或者我同果個男仔一樣，都係想係急促ge步伐之中，偷取浮生半日閒；在光影與嘈雜間，享受片刻的平靜與愉悅。



- 2007年5月18日 -

我要檢舉
#麥當勞#廣告
台長： 阿姑 ㊣ Georgia

您可能對以下文章有興趣

人氣(155) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 社會人，社會事！ |
此分類下一篇:社會資本
此分類上一篇:瘋狂遊行(好鬼長氣= =)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文