穎思日報

0愛的鼓勵 0訂閱站台

我的中學生涯...終於接近尾聲囉...

數數手指...原來o係德蘭都讀左7年...

唔覺唔覺眨眼又就畢業...由form 1 無名小卒，變到依家無人唔識我..(無法..通校都有好多女童軍小妹妹..) 左一句「已故主席...」(啋！) 右一句「隊長..」都唔知好笑定嬲好..

6/2/04 last day (上課天)
基本上，同平時一樣... 只係多左老師會同你講
「last day 啦bor, 加油呀！」
一樣如常地上課..(actaully 係 self-study)

CL&C: Miss Lau 同我地講..佢好驚自己講漏一D 重要野 > 提醒我地，又唔放心俾我地自己出去考試喎，擔心依樣，擔心個樣..我地何嘗唔係.. *0*

ENG: TEST...last day 最後一個test...不過Miss Hung 一d說話都無同我地講過

Maths: 格仔如常地講past paper, 如常地無乜人理，如常地好喜歡問亞象：「你明唔明呀?」不過格仔今日糯左.. 居然叫錯梁詠「Josephine，咁你明唔明?」大家都笑佢.. Josephine...Josephine..

但整鬼佢.. 無啦啦同我講「Catherine, 你改名叫Josephine 啦..」攪到象成堂笑我！可惡！之後仲靜雞雞走過黎同我講：「你做得好慢呀..我預你做左5-6年架，不過你依家仲係做緊第一年..唔可以咁慢架喎.. 你考a-level應該一次.. 考好佢！」我知格仔係善意既..不過... 如果同歡喜講，相信成效會更大！

Lunch.. 個飯盒好難食.. 尤其牛柳.. 所以throw away
之後同 suki 佢地映相.. 仲有Miss Hung, Miss chu, 昌, 格仔...

Miss Lau 仲過左d 「真氣」俾我，即係好似發功咁，手與手之間有距離，佢就將佢d「真氣」過俾我，寓意a-level 成功！好神奇，雖然大家無touch 大家，但我感覺到熱熱地..(真架!) Miss Lau 好似學過依d氣功，果然名不虛傳！

Bio: 我地問左好多關於今次mock會出d乜、a-level又多數會出乜，但高佬sir 成日都答d唔答d，答左個d又講得好曖昧.. 激死我地..
之後高佬叫我地玩「腦電波??」遊戲...*0* 仲講左好多好多a-level 慘痛既經歷、某某人又點點點咁..一路聽，一路驚！

o係個個moment, 我 & 梁詠好強烈咁叫自己：「溫書啦！唔可以再係咁！」，之後我地一路驚到週會...一直討論依個話題，有感大家能力有限，又無乜耐性！反省..

週會完左.. 我地留o係學校映相.
嘻.. 我 & 梁詠心情又平伏番..開開心心咁映相
不過高佬sir講得好岩既：「識驚先至好呀嘛！」

溫書..