香港數百萬人口並不算多，不過 由於消費力強，所以不 少外地藝人也會紛紛來港發展，希望可以在這分杯 羹。去年王力宏憑著其英俊的 外表，再加上唱作歌手的實力，也來香港湊熱 鬧，推出唱片及拍電影，亦 打算開拓香港市場。
不少來港發展的藝人，都要面對學習廣東話的困難，因為受到語言的阻礙，與歌迷及影迷的溝通也變得很麻煩。
睇書學識廣東話
王力宏於去年開拓香港市場，今年年中推出大碟，也特別收錄了一首廣東歌，而且還夥拍香港演員拍電影，估計廣東話必定大進。他說：「其實我拍兩套電影，都幾難學到廣東話，因為我戲份都係講國語同埋英語，特別係《雷霆戰警》，大多數都係美、日、台演員，所以大家未埋位都係以英語溝通，而另一套就好，演員全部都係香港人，所以而家聽都OK，講就……哈哈！」王力宏以半咸不淡的廣東話慢慢道出。 不少人表示，說慣國語的人，如果要學廣東話會較為易，但王力宏卻否認道：「其實廣東話真係好難，因為廣東話每個字有九個音，但係普通話只係得四個，所以難，我都係睇學廣東話書先知，但係睇書學冇乜用，因為音好難拼，而且就算錯都冇人糾正番我，都係有人教好。」
慢工出細貨
最近他有份參演的電影《雷霆戰警》於聖誕節檔期上映，再加上自己的EP亦同步上市，所以王力宏特別返港宣傳新戲及新碟，自從他加入新唱片公司後，每年也只推出一隻唱片，他解釋：「因為自己做製作，好似編曲、創作，有時仲會做埋樂器，時間多慢出碟，感覺上會比較有心機，如果我鍾意藝人，都一樣慢慢做一樣，出到效果好，見佢咁有心機，我會好感動，我都好希望我樂迷同樣會欣賞我心機，喜歡我所創作出心血。」
希望樂迷支持
每年王力宏會在香港、台灣及美國三地來來回回，由於他開設的錄音室在美國，每張大碟灌錄及創作，也會在美國進行，相對地香港是最少時間逗留，他說：「平時我有時間就會香港做宣傳，通常個幾月就會返美國，對於我講台灣同香港分別都唔大，因為兩地我都係租住酒店，所以早就習慣。不過我希望支持我人唔好唔記得我，特別係香港朋友，我香港只係推出第二張專輯，都算係一個新人，但係緊今次，我會有兩套新戲上演，仲有一張EP推出，如果佢掛住我咪買飛睇戲，或者聽我EP囉！」王力宏趁機大賣廣告，果然識做！
拍戲好玩新鮮
王力宏首次在香港參演電影，雖然很辛苦，但他認為也頗新鮮，而且這次的經驗令他獲益不少，他說：「我覺得拍戲好好玩、好新鮮，《雷霆戰警》大多對白都係講英文，所以對我講都幾容易，但係有動作場面，自己唔係好打得，所以搞到成身傷好多地方，特別係對腳，又撞傷、又拉傷肌肉，好彩傷得唔嚴重，有時又要吊「威也」，覺得幾好玩，睇見人剪片、練拳、打燈，樣樣都好新鮮好得意，所以未埋位時候，成日都周圍走，去睇人點做。」
娛樂圈團結
王力宏在這兩年來港數次，最欣賞的並不是香港夜景或美色，原來是娛樂圈的團體力量，他解釋：「我好欣賞成個娛樂圈，大家做好投入，每次有事發生，唔單止係藝人，市民都會好關心，有咁大力量，無論係電影界、音樂、電視、記者，各方面都好厲害，當然其次就係香港食，因為我香港時間唔多，而且好多時都係工作排得密密麻麻，所以唔係有太多機會欣賞香港名勝同夜景，只係知道有好多好食。」 訪問當天，王力宏巧遇數位歌迷爭相索取簽名及與偶像合照的機會，對於香港及各地的歌迷，他形容：「台灣我Fans好貼身，而且好正面，例如我拍戲時候，佢會探班，仲會特別煲湯俾我飲，所以好感動，而香港Fans都好熱情，但係比台灣怕羞，不過我都好開心，最緊要佢唔好破費，買咁多俾我。」
另一半要斯文
王力宏曾經被張國榮點名稱讚極之靚仔，亦有不少女歌迷為他傾倒，究竟他的擇偶條件是如何？而且對台灣及香港的女生有什麼評價？他說：「香港女仔好靚，如果一百分滿分，真係可以足一百分，我唔覺佢好惡，台灣我好少出去，所以都好少接觸到異性。不過只係睇公司女職員都幾大分別，或者文化唔同，所以打扮講，香港人會好整齊、好靚。我揀女朋友，多數都係睇佢唔我，唔會理佢係邊度人，就算係外國女仔，我都會接受，屋企人亦唔會反對，因為我阿嫂都係外國人，我最希望將來另一半會斯文、活潑，外表就無乜所謂，但係呢幾年我自己都係以事業為重，所以未有時間識女仔，況且仲未有咁需要。」
後記
整個拍攝過程，雖然王力宏表現十分合作，但卻經常問著：「幾時影完？」，後來他解釋：「因為我係一個創作人，所以好多時間都係留自己地方做音樂，面對傳媒唔係咁習慣，特別係擺動作影相，好似唔知點咁。」一向以為俊男多數喜歡拍照，原來他是唯一的例外。
三同刊
http://www.3weekly.com
