今晚同咗個好耐無見嘅一個舊朋友食飯,佢好好咁去到我屋企附近搵我......佢嘅工作真係好忙呀...... 如果唔係後日走,唔知有無咁好彩可以同佢食飯tim呀.....
其實同d舊朋友食飯, 好多時大家都係吹吓水, 交換吓情報, 傾番以前嘅無聊野, 但又好開心好攪笑~~~ 有時候, 有d住事就好似一幅拼圖咁, 當件事發生嘅時候你可能只係得知一d零碎嘅拼圖, 睇唔到全景, 但係當你同其他人傾計嘅時候, 得到越嚟越多嘅拼圖...... 發現有d野真係好"橋", 好好笑....... 有時候仲好諷刺~~~ 可能呢d就係天意啦~~~~~~
好多人同我講, 唔駛hide自己嘅情緒~~~~ 但係我覺得自己可能已經習慣咗啦.... 我總係唔知點樣同人講d唔開心野(所以我好多時都係一個人對住個Monitor喊)...... 我好怕將我d唔開心野傳比人... 可能我真係要認真學吓呢樣野~~~
係打緊呢篇日記嘅時候, 收到一封電郵~~~ 睇完之後好感觸, 唔經唔覺又一年啦~~~舊年呢個時候我覺得嗰陣時可能會係一生人之中最孤獨嘅時候, 點知今年仲孤獨.... 各位朋友, 對唔住~~~ 我知大家都好有心, 成日都同我玩, 但唔知你地有無試過一大班人之中都覺得好孤獨....... 如果有, 你就會明白嗰種比一個人更為孤獨嘅感覺~~~ 可能係再次離別在即..... 人難免多咗一份莫名其妙嘅傷感啦~~~ 個心呢排真係好重~~~~~
呢個pchome有個功能, 台長可以知道無篇文章嘅點閱次數, 近來幾篇文章嘅點閱次數趺咗好多, 可能人好多時都需要新鮮感..... 人與人之間嘅感情也許都係一樣啦..... 之前行過維園..... 發現有好多地方都唔同咗...... 景物都唔能夠依舊,何況人面呢???
我知道呢篇文章十分之灰, 不過放心啦, 我瞓醒就無野架啦~~~~
文章定位：
