今日無乜特別野, 就寫番長洲之旅啦!
1月15日:
一早起身同AO+SAM食飯!
去咗一間叫做Stormy weather嘅地方食beef burger, d野食係我喺澳洲成日食嘅野, 仲成$140tim...... 不過無所謂啦, 同佢地食飯始終都係一件開心嘅事!
返咗campus同J小姐食tea之後就出發去長洲啦!
一行四人(814+jeo=814j)去到長洲已經成6:00pm, 一上岸,我地有兩個首要任務, 搵屋同搵馬會! 我地終於住咗喺東堤一個頂層加天台加大海景嘅單位! 之後最緊要當然去咗買番兩條3串4…….
長夜漫漫, 我地當然進行咗我地嘅指定動作………. 飲!!!!
兩點幾三點嘅時候大家都覺得餓(包括BYRON), 所以咪去買野食啦! 怪事發生啦…….. 買完之後大家返去食啦, 但遍遍BYRON話自己唔餓, 仲坐咗係一邊, 之後佢入咗TOLIET, 仲傳嚟一陣陣嘅怪聲……….. 原來佢係入面劏, 最攪笑嘅係佢之前先講一個人想醉先至會劏, 佢事後講佢只係比d風吹到唔舒服啫, 我實信佢架?! 係呢件事之後大家可以叫佢做”劏神”呀………
大佬同劏神無耐就瞓咗, 但我就瞓得唔係咁好啦, 所以7點幾就醒咗, 沖完涼之後就抄醒佢地啦, 開頭佢地都唔想起身, 但當大家發現我地中咗條3串4之後個個都醒晒!
我地十點零就離開長洲, 之後就去咗Neway CEO度唱K……….. 間房好大, 仲有埋TOLIET呀, 唱都聲都沙埋…….. 多得林子祥啦!!! 而我地嘅旅程都去到尾聲啦, 咪住!!!! 最後嘅節目當然係去馬會收錢啦~~~~~~~~
雖然做嘅野同係HALL差唔多, 但同佢地去一個唔同嘅地方玩番晚係一個好開心嘅經歷~~~~~
文章定位：
