新一年的除夕夜＠＊月亮的秘密＊｜PChome Online 個人新聞台

2004-01-07 03:39:53| 人氣26| 回應0 | 上一篇 | 下一篇

新一年的除夕夜

推薦 0 收藏 0 轉貼0 訂閱站台

我今晚出門口果時都好開心咖，因為唸住第一次同佢去倒數嘛，咪著條短裙仔，再加對長boot囉，點知一上車佢就整鬼爛我對絲襪，真係激到我死死下呀！好彩唔係爛得好勁，而且有條裙仔cover住，唔係真係殺左佢呀!!!!

今晚做左一樣好有意義既事，就係去左老人院探我麻麻！好耐冇見過佢啦，返左黎咁耐，我一直都係度逃避唔敢探佢，係驚佢問三問四，雖然都有問，但我都答得幾圓滑。可能因為太多人問同一個問題，我真係答得有d麻目呀!!

探完麻麻之後我地就去左食羊腩煲，第一次去果度食野，估唔到我會見到阿奇佢地一家人咖喎。唔知佢見唔見到我呢？真係唔清楚lu，不過我初初去到果時係見到佢果台有人望住我咖，但當時我仲未留意到阿奇係樹，唔理咁多啦。因為我不停掛住係度食同傾計，yeah!!今次我又係由頭食到尾果個呀，幾勁~

之後我地就坐車車去行街，真係好熱鬧呀，佢話比聖誕節熱鬧得多喎，唔清楚喎，因為我由細到大都係同家人去旅行過聖誕既。唔……今次過得好開心，有d幸福小女人既感覺，嘻嘻，開心死！本來我都想去旅遊塔果邊倒數咖，但真係太多人，所以我地就澳督府側邊行返去拿車，跟住我話想去食糖水，佢就帶左我去媽閣果邊食lu。食食下突然聽到好多煙花聲…"新年快樂~~"，係呢一刻，我即刻係佢個碗裡面囉左一匙芝麻糊食。嘻嘻~~我咁做，係想佢以後都記得係佢生命中既其中一個倒數，有個傻妹偷食左佢一匙芝麻糊，係咪好傻呢？

今年既倒數就係咁平平淡淡過去，但我覺得比咁多年來開心得多。因為以前阿嶸一齊時，每次都會嗌交，係無啦啦嘈。到左同傻海一齊，唯一既倒數又係嘈，算啦，我唔care佢~~而家同我冇乜關係！

倒數完去左佢屋企探豬豬，同佢玩左一輪之後就一齊係房間睇電視，跟住就blah blah blah~~~~~~~TOP SECRET~！！！

新年快樂~~祝大家都開開心心..
唔好再為過去既事而煩惱..!

我要檢舉

台長：秋月

人氣(26) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)