24h購物| | PChome| 登入
2006-10-18 00:59:59| 人氣32| 回應0 | 上一篇 | 下一篇

充實的一星期

推薦 0 收藏 0 轉貼0 訂閱站台

嘩! 我足足無打日記一個星期咁耐呀..!!
呢個星期 唔知點解 都過得好快..

但係又唔係好記得做過d咩咁..
我d早期老人痴呆症又來了..

咁講吓過去一星期大概做過d乜啦..

經好友KANNIS的介紹 我入咗佢公司做嘢文員..
做我最唔熟嗰行 ACCOUNT. 都做了幾個星期了..
慢慢做 慢慢學 好多單呀 ... 分一年都未分晒咁...
不過 D時間都算OK 星期六又唔駛返 人工又OK ...又小開OT..年尾有雙糧.
都算唔錯啦....加上係KANNIS 我要俾D心機做嘢
唔好累到佢嘛..不過我都係因為這個原因 有小小壓力..
怕真係做得唔好會累到佢..唯有盡力而為吧.

上星期五 看了”無間道風雲” 悶都不得了..希望愈大 失望愈大..
仲要成兩個幾鐘頭 翌日 在家看返港版無間道 ..好睇好多..!!
點睇都係華仔 偉仔好看d啦..!

上星期六陪咗我一個好姊妹AMY去試婚紗..
佢同男友 加埋我同老公一齊去..
AMY幫襯的婚紗店是我和老公影婚紗相的”蒙羅麗沙.”
所以格外親切..
看著AMY不停試婚紗 我地三個人一齊幫眼..
好開心呢..

識咗AMY咁多年 佢同男友拍拖都十年..
今次佢地影婚紗相 希望好快收到佢地的喜訊啦..

一連幾個週末 老公的朋友 石康 同埋我妹.都在我家打麻雀渡過..
我交咗好多錢錢學費呀 陰公..(三番起糊 八毫 最大食 三個二)
嗰D仲係私己錢..慘慘..
不過又真係幾好玩 好在我唔會去麻雀館呢.^.^

剛過咗的星期日 老公好好 肯陪我去一個有宗教成份的福傳音樂會”
該音樂會是不設劃位 我們遲咗少少去到 見到紅館有好多人 以為仲未入場.
老公仲話 如果呢d人係未入場 咁反應似乎冷淡咗d..
誰不知 原來係場內爆滿 我地最後都入唔到場..
我有小小失望架 難得老公肯陪我來..
不過佢應承咗 出年會再陪我來 到時有早d入場啦,,,
我地走嗰陣..仲見到好多修女神父都入唔到場..
有個妹妹入唔到場 喊到好可憐呢..
有d人仍然唔肯走 呀妹話佢地可能等奇積出現wow..^.^


呢 呢個魚缸係爸爸俾我哋架..
我地去咗金魚街 買咗d叫做泰國波子魚回來..
一包有成十幾廿條..
返到屋都死咗幾條架...

另外我揀了紫色膠粒 和紫色膠水草..
造了一個紫色水底世界..

買回來 已經三天了..魚仔好可愛呢..!
希望唔會一個星期死清光啦.
因為呢d魚仔生命力好弱架咋..!!!!!!

我要檢舉
台長： BBPOOH

您可能對以下文章有興趣

人氣(32) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文