占日新聞~~ 健b成長日記...^0^ 占日新聞係一個報導小占每日大小事的電台, 希望小占的朋友~~就算我地唔係日日見面, 你都可以日日知我d消息~~

70愛的鼓勵 0訂閱站台

21/8:
早幾日..終於紮到髮髻之後...就日日都會整髻先出門口...
甚至會維持到臨訓前...
好奇怪喔~..最熱果幾日都紮唔到...
反而呢幾日...日日落雨, 凍左d..就紮到...*吹脹*
紮耐左...d頭髮會曲左....就可以當自已電左髮..haha~唔錯~

今日係元俊仔出世一個星期, 本應就去呀浩home慶祝...
但...知道老闆番左hk...起魚街...
諗住吹2句水就走...點知傾傾下...都6點幾...
去到呀浩度都開左飯啦....
加上佢d親戚今日都會黎睇bb元俊...太過熱鬧了...
我頂唔順的...索性留起魚街...
同呀傑,老闆傾計,去好幾間魚店吹水..去酒樓食dinner..
好耐無試過自己一個行魚街...跟住join d 魚友吹水了..好輕鬆~

唔知呢....原本呀浩一家都差不多10個人...熱鬧程度剛剛好..
我會覺得好溫馨...
但當d親戚都黎時...大人太多了, 細路仔亦太多...玩到又din又嘈!!
雖然呀浩解釋為..依家唔會成群人去酒樓dinner, d細路難得聚一齊,係會玩得過火d..
但對我而言,唔係熱鬧...係辛苦...
某程度上, 人會更寂寞...
可能佢屋企會俾d細o既盡情玩...
可能....係我同佢教育背景唔同...
我細個時..屋企...都會俾我同d細路仔玩...
但從來都唔會太嘈or 玩得太過份..影響到其他人..
玩都要玩得有分寸...
不過...老實說..佢屋企d細o既...就算你話佢地玩得過份...
佢地聽到..都唔會理你...當你透明..
點解? 佢呀爸呀媽都放~~~~任佢地...
你係佢地邊個? 佢地點會聽你枝笛?
相反仲會單打你tim...嫌你好話佢地..
由其佢地個肥表哥果種眼神 (係個小學生)
唔鍾意你提個建議同佢個唔同...beer到你行...個樣寸到..仰高個頭超你
衰d講句,無大無細...俾係我細佬..我唔一爸車埋去呀喇??!!!

以前我好鍾意細路...更鍾意bb...
一直都唔明點解d人唔想有bb..只會諗..可能養細路用$$太多..
可惜..自從見識到呀浩home d細路...
我改晒觀了...
依家d細路係惡教!!!
雖然我home一直都係用嚴格方法教d細路...以前會覺得自己好慘..
依家將自己細個同呀浩d 細路比...
我屋企人咁教仔/女係岩架...
太放~~~任我唔覺得係好家教...
我呀爸教仔就失敗..俾個仔點番轉頭...
俾我鬧左佢2父子一晚....至少我治到我細佬...
唔俾佢恰我呀爸!! 有d分寸...
對自己人先有禮貌乖巧..我唔認為係真係咁乖...
要對其他人都有基本o既尊重....先係一個人最基礎o既人格!!

如果將來真係同呀浩生活....我知道肯定出現問題...
除非我地2個o既圈子唔出現 "細路" 呢種生物..
否則, 嘈大交...係遲早發生...
終歸一次, 我地會為呢種動物...搞到大家都唔開心..