占日新聞~~ 健b成長日記...^0^ 占日新聞係一個報導小占每日大小事的電台, 希望小占的朋友~~就算我地唔係日日見面, 你都可以日日知我d消息~~

70愛的鼓勵 0訂閱站台

11/8:

計埋今日...係第3日,共72小時同屋企人一齊...
少有地3日都無見朋友+bf的衝動....
可能...因為囡囡啦....
由始至終都無諗過一隻龜bb對自己影響咁大...
就咁同人講話隻龜死左, 自己好傷心...
我諗好多人都唔會明...分分鐘會好似我婆婆咁, 覺得我傻...
但....個感覺如果話好似隻狗or貓死左...
可能就會多d人明我感受...

其實剛剛過去o既冬天, 都試過死左隻鑽石龜,
講貴...鑽石梗貴過粒星啦~(小鑽係減價時買, 囡囡..係起廣州買的~)
講罕有...就星少有過鑽石...
但可能因為小鑽(我隻鑽石龜個名)係澤龜, 好似巴西龜咁用水養...
唔可能日日拎出黎玩..佢亦都好似囡囡咁識認人...
時間仲養得耐過囡囡..但..
就係唔知點解... 囡囡死左...比我死晒幾千蚊o既琵琶魚(pleco), or死左小鑽...
令我傷心得更耐...
可能因為佢係急病死啦, 而小鑽就係病左好耐先死...
不過...囡囡亦係我暫時第一隻令我有衝動再養過o既龜龜...
(一般剛剛死左寵物, 都唔會咁快想再養哦~~)
我亦同自己講, 就算再養, 我都要搵到一隻好似囡囡o既我先會再養...
屋企個爬蟲缸...到依家都仲放起度...
好多時一望到, 都會諗起囡囡爬過黎問我law菜食果個樣..
以為過左2-3日...應該唔會再喊...
點知寫到呢度...雙眼又紅左..個鼻又再次酸酸地...
我要忍住!!忍住!!忍住...
我有預感, 我會好快遇到一隻好似囡囡o既星龜...

囡囡死左第2日, 呀浩家姐個bb仔就出左世...
有時生命呢家野, 真係好玄...
到底呢個世界, 係死o既生物多, 還是出生o既生物多呢?

今日同呀e,婆婆,契爺食飯...
契爺見我無乜事...
就同我傾番囡囡呢單野...
了解番我對囡囡o既價值觀...
總括而言...呢3日...係好~~~~~悶...
雖然買野食飯唔駛出$$..
但婆婆總會多多意見...
買野...都買得唔開心...

多謝身邊d朋友...呢幾日知我唔開心...打電話問候下我...
放心啦..我無乜事o既~~
明日仲要同你地行街架嘛~

p.s: 今日..就post我早幾日同crztal影o既foto sticker...
呢張我個樣就最順眼了..(其他都好似怪怪地咁..)
crztal就影咁多張...張張都好靚好可愛~ ^_^