24h購物| | PChome| 登入
2003-07-24 05:40:32| 人氣12| 回應0 | 上一篇 | 下一篇

你就發夢

推薦 0 收藏 0 轉貼0 訂閱站台

日期: 2003-06-21

雨

琴日有比賽，俾教練話我發夢發左兩年．諗下諗下都係呀，越踢就越冇黎神氣，越冇勁．踢大場真係唔慣，不過雖然話我踢得越黎越冇勁，其實我比year 1 果陣時既踢法而家好好多，都可以話慣左好多家啦．

琴日冇得打正選都係一件好事，次次打親正選都係唔知打到點，成日都好鍚身，波又唔想頂多下，鏟都未鏟過．呢幾日我都o係度諗，其實係我驚我先打到咁，只要我唔驚，好似o係街場咁頂，o係街場咁有勁就應該唔會衰得去邊，好似o岩o岩入team 咁乜都唔驚博出位，就算唔識打大埸都唔會冇勁．咁就唔會搞到而家幻得幻失咁．

經過一輪心理治療之後，雖然唔fit既我琴日後備上陣，再唔驚咁頂左一球，但係就俾人鏟到成個人飛起幾層樓咁高再仆左o係地下，但係我俾人鏟之前係過左兩個人家，過埋第三個就俾佢鏟跌，如果唔係佢犯規，我就可以射到波家啦．入埋既話就會變成連過三個再射入波既百步穿暢．我終於（手羅）到呢一種意識(不過可能得呢一次)，可能人地唔知，人地覺得好普通，但係咁既踢法先係可以o係大場hold 得住個波，如果踢中場連波都keep唔住，都唔係話咩既，只不過係成隊波既隊型都冇晒，冇晒節奏，就似而家既問題咁，一有波就要踢走，連人地走都未走位就要踢走既踢法雖然會好簡單，好易踢，但係就會踢得好亂七八糟，攻守不宜咁，乜ｑ隊型都冇．

而家呢隊波既最大問題係冇隊型．鬼咩，個教練都唔知教咩，自己打開既位成日都俾個教練調黎調去，試陣唔係話唔好，咁但係使唔使試兩年呀．．．唉．．．我連打中堅都打過呀，唔知幾時我要打埋龍門呀真係．

不過我地都有唔o岩既，特別係我tim，呢兩年都冇乜跑過步，練過氣，唉．．．所以我定左下年就一定會練氣，狂跑步，好似阿甘咁跑到唔墝停......

我要檢舉
台長： 尚未設定
人氣(12) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文