2007 / 9月
有日同對面舖個肥佬吹水,吹吹下吹到講桌球,咁o岩Ringo同阿jack都識打,之後我地4個就去左打桌球,Ringo就成日打,阿Jack同肥佬同我都好耐冇打,我對上o個次打已經係18歲既事= =
好搞笑~~肥佬佢自己有枝私家Q,去到因為得返一張枱,所以我地4個人一齊打一板先,最屎o個個要比波鐘,呢板Ringo輸左,哈哈~反而成日打會輸比我地3個@v@
之後到肥佬同Ringo打,打打下Ringo d fd黎左,佢地跟左,之後就到阿Jack同Ringo d fd打啦,咁我計分....計到一半電視做味分高下,咁我同佢地講聲話我去睇電視,叫佢地自己計返,睇睇下佢地走過黎問我d分數既野,我咪講返我走o個陣係幾多囉,佢老味~之後Ringo個fd走去同Ringo講話我計錯分,話頭先阿Jack點點點,Ringo走黎同我講話我計錯,搞到佢個fd輸左,我聽完好火,咪同返阿Jack講我比人屈,我去左睇電視,鬼知你咩事咩,我行開都有出聲呀,係佢個fd輸左唔服,之後我控制唔到自己,睇完電視發脾氣走先,後尾阿Jack同我都知冇計錯,搞到好似我錯咁,好少發脾氣既我都忍唔住~~雖然好似好少事好幼稚,但係我一比人屈就會好火,性格係咁...sor!!
又帶左普洱去葵芳,Aki and 阿Moon都有去,o個晚唔知點解隻隻狗都”痴”住普洱,好似當佢係狗女,有d訓o係佢側邊望住佢,有d係咁聞佢,普洱就驚到一係唔敢郁,一係走到好遠,但係d狗都係咁跟住佢,仲要好多大狗....望住呢個場面個個都覺得好笑=.=”唔知點解呢晚會咁....
放假我自己幫普洱沖涼,次次都係咩都我比錢我真係會冇錢洗,所以今次我親自幫普洱沖涼啦~沖完先辛苦,成間屋吹到周圍都係狗毛,我係咁打乞啾,搞掂之後我要出街行一陣抖下氣,個鼻超辛苦,不過冇所謂啦~幾開心,普洱一掂水就唔敢郁~哈哈哈哈~!!
有日發左個夢~個夢如下:
o係一個好似係香港但係又有d未見過既地方,我喜歡o個個人,但係有好多佢既親戚叫我唔好咁做,佢地話咩姊妹街(我都唔知咩係姊妹街~.~)既女仔只可以同好似佢男朋友個種男仔一齊,後來o係公園撞到一個伯伯,我同佢傾左一陣計,(佢都好似係佢親戚)佢話好種意同我傾計,但係知道件事佢都反對,個公園一半係香港地方,一半係我未見過既,之後我自己一個好唔開心咁周圍行,行左好多唔知咩地方,有個地方有好多人o係度扮聖誕老人,佢地好似係參加緊扮聖誕老人比賽,跟住我自己去左一個好大好靚又有床既廁所,我o係入面洗緊手,跟住有個男人飲大左,訓左o係地,跟住我就扶左佢落張床度=.=
之後好快到左夜晚,佢身邊既朋友一路係咁話比我聽佢o係邊,但係我o個陣o係廁所(又係廁所=.=”不過唔係之前o個個,呢個好細),個廁所好鬼多人,多到個廁所爆哂,一路係咁好多人入黎= =個個人入黎都話比我知佢o係邊,跟住我就跑去搵佢,出左去係咁跑,跟住比我o係見到個伯伯既公園見返佢,(o個陣好似眼濕濕)(個伯伯仲係坐o係o個度= =)佢問我咩事,之後我話:冇......你d屋企人唔係唔比你見我咩?佢唔知發生咩事,好嬲咁去搵個伯伯,我拉住佢唔比佢過去,跟住拖走左佢,一路行一路傾計,傾左一陣,我同佢講話去o個邊行下,我有野想同你講,之後我想講我喜歡你,講到一半,佢就錫左我一啖,我呆左好耐,之後我講......頭先feel唔到,太快,不如試多次,佢笑左我好耐,之後先比我錫多次,我地一路拖住手一路行,o個陣好sweet,行行下我地去左一間好大有幾層高,大到好似博物館咁大既levis專門店,行左一陣,出返去變左”乙水”仔.......見到有個油畫小籠包廣告,超舊.....跟住隔離有輕鐵經過,不過架輕鐵係o係二樓咁高= =之後完喇
呢個係個夢既故事,我估到遲d我一定會唔記得,所以我一起身就打定左save先,因為覺得個夢好得意,所以就記住左喇~^^”
唔好問我點解會發呢個夢,我唔知= =
有一晚又同左紫華打籃球,第二日好攰...好眼訓....好辛苦好難過既一日>_<”
租左好多好多vcd比阿爸睇,一星期租十幾隻,哈哈~!!
有一晚我睇緊碟,突然有隻識飛既小強飛左落塊鏡度,之後比我用報紙拍死左,d汁”痴”住左o係塊鏡度,超核突,平時我多數會扮睇唔到唔理佢,因為我都驚驚地,但係阻住我睇碟就要死./.whahahahahahahahahahaah~!
張敬軒 - 分手前的雨天
張敬軒 - 追風箏的孩子
古巨基 - 我自問
張敬軒 - 斷點
張敬軒 - 明瞭
盧巧音 - 千歲
Shine - 避雨
林俊傑 - 原來
An Cafe - 覺醒
林稷安_程于倫 - 我一直都在
香香 - 為了愛
周杰倫 - 不能說的秘密
林俊傑_金莎 - 笨蛋
林峰 - 愛在記憶中找你
馬天宇 - 這該死的溫柔
馮穎琪 - 飛行棋
HotCha - 不要防曬
林俊傑_潘瑋柏 - 讓我心動的人
林俊傑_金莎 - 發現愛
林俊傑 - 忘記
林俊傑 - 不流淚的機場
林俊傑 - 會有那麼一天
林俊傑 - 自由不變
林俊傑 - 只對你說
林俊傑 - 害怕
An Cafe 新歌呀~不過冇咩人覺得好聽,我覺得好好聽wor~~~!!!
諗緊儲錢去日本........yeah~!~!唔知儲幾耐@v@”
文章定位：
