今年既第一次釣墨魚係o係六月三日(星期六)~~果日都算唔錯~~我好開心架~~呵呵~~~
今年其實揾人果度都唔係好吃力，好多人都係自己話黎，到最後，全船人係有四十二個大人，加一個小朋友，曾經有幾次都因為多左人而好擔心，但係到最後都係剛剛好，真係fit晒~~yeah~~~~
去之前幾日，其實大家都好擔心個天氣~~因為連續幾日都落雨，大家都諗緊落雨去唔去好呢~~~就咁講天文台都轉過幾次個天氣預測，由星期一講”短暫時間有陽光，驟雨”，星期五朝早話”大雨”，到星期五夜晚講話”微雨”，真係好擔心，但係都要去架.....
星期六早上都係有雨，時大時細，上船之前大家都係有小量既濕身，甚至乎開船既時候，都仲有些小雨(只要阿雞唔出船頭，就唔會有雨啦~)但係出到差唔多我地既目的地之際，開始見唔到頭上面有烏雲啦~~~雖然果一刻冇陽光，但係冇落雨都已經好好，大家都好開心咁揾野玩啦~
msma & mschan family全體係坐左小艇登陸，我同ling wing係選擇左留守o係船上面釣魚架，有D好睇唔開咁攬住個水泡就去跳海，有D人就做聯誼會咁啦~~~大家都有大家既節目~~~講開釣魚，我就好開心啦~~~繼阿雞釣左條”泥班”之後，我就釣到一條”芝麻班”啦~~~雖然我果條唔夠阿雞果條大條，但係我果條係全船最值錢架~~yeah~~~(但係我鍾意阿雞果條多D架~~~間紋靚過我果條既班點紋，仲有呀~~~依我印象，釣到大魚既人如下(講緊既大魚，係大過手掌架)，我-芝麻班，阿雞-泥班，kelvin &佢女人(阿雞唯一的朋友)-假”牙哥”(唔知係唔係呢個名，唔記得左囉~~)，阿業(我組長)-假黃”魚立””魚倉”(個樣真係好似，但係真既個魚身闊D，佢果條係thin D架~)，其實仲有好多架~~~但係唔係好記得~~~因為大多都係釣到小”魚立”魚多D!~~~我都放生左好多條，佢地真係好為食架~~我係試過一落”OUT”就有~~一落”OUT”就有~~~(釣釣下魚~~我同ling wing，bear同carman係去左打麻雀架~打打下~~太陽伯伯都出埋黎一齊玩~~勁開心~~yeah~~~)
到左6點左右，大家都番上船啦~~READY開始釣墨魚啦~成晚都冇乜生意~~~船家話d墨魚因為之前打雷所以嚇走晒，佢地一定係做得唔好既野多啦~~~一係就冇睇到阿lam賣XO既廣告~~成晚成船人先得廿幾條，但係都夠食既~~~~成晚轉過三個地點釣架啦~~但係度度都好多船，好似有好多對眼望住你咁~~~但係大多既船都係一樣，一聽到好嘈既聲音~~~就代表果隻船有墨魚上釣啦~~~~
我都唔弱架~~~我係成船第二個釣到墨魚既人黎架~~~我POST果張圖果三條都係我釣架~~~YEAH~~~~
之後~~我地食埋野~~再食埋糖水就番屋企啦~~~(好彩有MSMA呢個地”旦”O係度~~如果唔係我又再一次為左揾”甜源居”而O係西貢迷路啦~~~)
文章定位：
