以下漫畫已經完結，各位可以到各大漫畫店全套購買
（項目不定期更新）
男兒當入樽－井上雄彥
經典，有Ｄ人話爛尾，有Ｄ人話收得好，唔係變左龍珠同足球小將咁．．．一場架或者一場波打足一年，到時就無謂啦～～～
真假茱麗葉－繪夢羅
故事老套，但我「受」啊～～鬼叫女主角成家都咁死蠢同好笑。雖然去到尾有少少似呃稿錢，無野搵野寫！！是但啦！！
貧窮貴公子－森永愛
笑到反肚^_^ 如果我係男主角，我第一件會做就係毒死自己阿媽，跟手同成班細佬妹走佬～～
螢火之森－綠川幸
好感人的短篇漫畫！我終於可以抱你啦～～～
Paradise Kiss－矢澤愛
點解男主角同女主角唔可以一齊？唔好問，自從近所物語後，矢澤愛筆下的故事，就冇一個會係HAPPY ENDING，不過算啦！有時真係「不需要，完美得可怕！太快樂如何招架！殘忍不好嗎？」
蜜桃女郎－上田美和
又係個句！老套，但我「受」！
BB與我－羅川真里茂
實仔真係好可愛啊！睇下睇下真係會驚自己係唔係變左「正太狂」。我估第時實仔大個仔，一定會變成女人湯丸～呵呵～（但變得點大都唔夠作者大，明明畫開呢Ｄ一級漫畫，竟然走左去畫同性戀．．．）
地獄老師－岡野剛
可以算係一套日本民間鬼故事大全，睇完三十一本之後，可以拍番套日本見鬼十．．．信我！見鬼十個十條橋都有齊，不過係表達方法唔同。例如：樹林捉迷藏，日本人鍾意係間房到玩！（每個人企係角落頭，跟住行過去對面拍另外個人，行下拍下就會多左一個．．．）
遊戲王－高橋和希
如果你明個游戲點玩，你會睇得好開心，同覺得作者幾有腦（佢有一集係用張咭LOOP死對手，等佢無晒Ｄ咭而玩完！）呢條橋我勁BUY，通常Ｄ漫畫主角係面對Ｄ勁人時，都係突然upgrade自己，或者無端端爆件再勁Ｄ的武器。超！呢Ｄ好明顯係諗唔到點「自圓其說」而用，相反如果可以用已有的材料，稍為改變用途而可以打倒對手的話，呢Ｄ先叫勁！
戰神Mars－婡領冬實
嘩！如果有個好似零一樣的男生，我唔介意做晴美！
我的主人，請多指教－筑波櫻
又是短篇．．．給小朋友特別禮物的女聖誕老人
魔法王子－臶野茱理
又係一本睇完之後會開始懷疑自己「正太狂」病發的可愛小孩作品！
甜美．咬下之後－筑波櫻
是你嗎？
亂馬1/2－高橋留美子
細細個開始睇，九能帶刀真係一個不可多得的傻佬．．．
甲賀忍法帖－瀨川雅樹
心愛的人，受死吧！死下一個，死下又一個，五本之內死晒廿個人，差本多一本死四個人，節奏超級明快！（註：已改編為電影，女主角係仲間）
消防員的故事－曾田正人
原本全套廿本係屋企好地地，一次意外，全部無晒．．．哎呀！
BOY聖子到－梅澤春人
到底日日野可以收埋幾多支棒球棍，同埋佢點先會受傷？
鬼斬十藏－瀨川雅樹
安倍晴明，你聽過未？一個好精心的佈局，真係唔到最尾都唔知個結果。
人形師之夜－橘裕
一個個失意的靈魂，借著人形師幫他們還最後一個心願！
輝夜姬－清水玲子
十年巨作．．．又複製人，又外星人，又同性戀，又戀女情意結！個故事鬼咁多人，少Ｄ記憶力都唔記得左前面講緊乜。
植木的法則－福地翼
你要才，還是要救人？
文章定位：
