恭喜!恭喜!Alex今日大婚啦......
今日12點起身,昨晚已經想好著乜啦,著淺藍背心,深藍半身裙仔呀,非常極之斯文,禁大個第一次著得禁斯文咋,係塊鏡前面照左好耐之後,望下個鐘,OH~夠足了.....
搭MTR去金鐘,2點了,Ivy同Timmy到左,等埋Aggie就去得香港公園裡面個間註冊處,因冇人識去,要Aggie臭我地去.
好彩唔曬同埋唔落雨咋,去到註冊處,見到5仔鋪D同事,同karvy喎,佢地全部都著得好斯文,恤衫西褲打呔,OK得喎,令我眼前一亮呀!Alex同新娘子就唔洗講啦,直頭係”索”啦.仲有D三九唔識七既人....
原來註冊要比錢架,等左一陣,就入左去一間好靚房,有條西裝友好似係主持,講左一陣廢話就輪到Alex同新娘子了,佢地宣誓並簽結婚正書.氣氛要好嚴肅架.係房入面大約十五分鐘就出來了.之後出左來影相,嘻~~~緊張既時刻到啦,掉花球.我心想一定係我搶到o者,點知掉左去個阿婆到喎,激死我啦!我嫁唔出,為佢事問?!
之後就搭旅遊巴去尖沙咀飲了,去到酒樓,個景好靚架,睇到夜景.正.....
我地五點就到酒樓啦,好悶呀!打馬吊呀,好玩!冇打錢,冇輸又冇贏!
打下打下,九點就開餐了,菜色”咪又係禁”冇乜特別呀!我呀貪得意~咪左一啖紅酒,shit!好苦呀,我以為甜架,之後又咪左一啖”挖爛地”,嘩~噴都噴唔切呀,難飲到呢?!
第一道菜係燒豬呀,上菜時,播左麥兜唱個首”仲有最靚既豬腩肉”呀,好攪笑呀!
張檯又大,我唔多好意思起身夾喎,坐我左右個兩個友仔,照顧我呀,怕我冇得食,每道菜都有夾比我,禁先可以吃飽飽咋,真係多謝哂呀!仲有呀,唔明點解每次待應每次上菜都要人地飲杯呢?吃到一半,Alex同新娘子敬酒,我地蝦左Alex要佢飲一杯酒呀.到左最尾,我見到係食”合時水果”,我以為食果盆啦,點知佢放左12個橙連12個膠袋比我地喎,我見到呆左囉,乜要自己切橙架,但冇刀?點食呀?吃下玩下傾下,到左11點散席了,好呢?!
今日試左好多黎世人既第一次:本小姐禁大個人仔,第一次收粉紅炸彈,第一次去觀禮,第一次做人情,第一次去”飲”,第一次飲紅酒,第一次飲”挖爛地”.....
見到Alex好開心,新娘子好幸福,我都開心埋一份呀!
(自己有D野改變著?!死啦?!)
文章定位：
