周六去了改髮型
本來想電鬆頭髮
但變了個師奶仔髮型
為此擔心了一個晚上
怕翌日被同學仔取笑
結果換來以下一段對話：
我：「個頭好師奶。」
女皇：「唔係呀，比之前直髮好。」
愛麗斯：「呢個頭前後都好睇，可能新整唔慣啫。」
高材生：「好好喎，唔師奶。」
地盤雀神：「哈哈，我無意見。」
查理斯：「師奶仔，唔師奶喎，幾好。」
工程師：「嘩，新髮型，有女人味咗喎。」
親愛的同學們，為我挽回不少自信心
*************************
跟他們吃過早餐後，去了河畔接力跑
我：「我無氣啦，你哋行先。」
大隻佬：「雪雪，你電咗個頭，應該上哂電喎。」
我：「咪就係噚日上哂，今日無電囉。」
**************************
接力跑後，與同學們去了唱K
愛麗斯送了我一首歌《分手快樂》
雖然她不知道所有的來龍去脈，但內心很感動，熱淚盈眶
她唱完後，同學們有以下對話
我：「多謝大家，我心情好咗好多，我識處理，我會愛惜自己，多謝關心。」
地盤雀神：「舊的唔去，新的不來，你快啲跟我遊船河。」
查理斯：「大把人等住你，深，係你做嘢的時候。」
深：「我大把醫生存貨，啱唔啱。」
高材生：「忘記背後，努力前面，大把好野喺你面前。」
我被他們弄得哭笑不得，一方面感激同學們的熱心，一方面覺得無法再開展新感情，因為愛情實在令人太累，甜蜜的時間太短，傷心的時間太多
*************************
唱K後回家，得地盤雀神，做柴可夫，義載回家
在車上，我們有些對話
地盤雀神：「你質素唔差，會有好歸宿。」
我：「我唔係咁popular咋，但都多謝你安慰我。」
地盤雀神：「你點解咁講？」
我：「我只係講實情啫，popular的女仔，具備靚樣同溫柔兩種條件，但我兩樣都無。」
地盤雀神：「唔係喎，我講真喎，你真係唔差喎，對自己有啲信心啦，你係好女仔，會有人欣賞架。」
我：「哈哈，多謝你啦。」
雖然與他們只認識了三個多月，想不到發生意外後，他們在毫不知情的情況下，給我最大和最適切的鼓勵，原來在他們心目中，自己人永遠是對的，縱然愛情沒分對錯，他們卻在不知就裡的情況下，毫無原因地在背後支持我，但願與這些「自己人」的友誼，恆久不變
文章定位：
