亞力See誌 一人分飾兩角

42愛的鼓勵 2訂閱站台

一如所料，阿女第一次番幼稚園係爆喊既。佢十分想同爸爸媽媽一齊。只要一齊，就算只係留係屋企都係件有意義既事（當然一齊之後就會成日想要出街）。以為放學會好啲，點知都係喊。仲要一見到係我，冇媽媽，就喊得好淒涼。不過一離開學校就慢慢收聲，到屋企樓下仲開心番添。老師比佢既糖仲show比看更叔叔睇。番到屋企就搵晒書包啲野出黎。又通告又水杯又有毛巾盒。而食糖係好重要既野，沒有忘記。好爸爸剪左少少比佢食啦。到食飽飯，係時候訓覺，亦係爸爸既落場時間。沖個涼食啲野，做埋簡單清潔。想休息？咪住，阿女餐晚飯呢？