大豬...豬仔...BB豬...豬豬B 幸福的一家...豬

128愛的鼓勵 0訂閱站台

個几月之前maggie話poly有得考IELTS (一個英文評核試)而又唔洗錢喎, 咁本來要成千一蚊架, 而家唔洗就梗係去考啦, 不過又想快快考完算啦, 所以就揀左一月四號, 即係今日考啦。不過呢放假放得太耐啦, 所以就完全唔記得左要考試, 係星期四諗緊之後有咩節目既時候突然間諗返起…所以乜都無prepare 過。唉…自從入左u之後都無得好似f.5同f.7咁係咁做d英文, 所以都覺得差左好多。而家做野就真係唔洗講啦, 就算用英文都同o個時做o個d完全唔同。不過講句真既, 都係因為自己懶臨考都唔prepare o者….所以考試既時候….

Listening
以前考試考親都好緊張架, 但為要好專心, 過左就無得再聽。所以之前o個晚都會好早訓, 抖足精神嘛。不過o尋晚就習慣性地好夜先訓, 但係呢又好奇怪喎, 可能呢份卷唔難啦, 所以就算訓得少都覺得做得几好。四十分鐘既考試, 話咁快就過去左啦。

Reading and Comprehension
以前最叻就係呢份卷架啦, 不過呢排真係渣左好多呀自己, 睇極都搵唔到答案。仲要佢出d問題唔係true or false or not given既答案就係d叫你match邊個國家發明d乜而又有咩用喎, 佢題目就得三四條, 答案就成十個…真係想撞都几難…唉, 出埋d咩invention of time measurement equipment, invention of numbers同埋transportation既題目攪到我一d興趣都無。睇野又慢喎, 個個答案都差唔多模稜兩可, 唯有是旦求其啦…>.<

Writing
其實今次個考試係有兩級架, 一個比學生做一個高級d, 而我就做學生級既(因為poly比錢, 無得揀)。學生寫文就寫present一d statistical result, 好似寫report咁, 第一篇就係寫議論文, 而高級d既就寫信同議論文。我一睇題目, 又係寫traffic既議論文…即刻無曬心情。其實我之前都諗過架, 如果寫信就好啦, 我日日都寫好多架啦…唔係自己高級, 而係連學生既我都唔記得曬啦….真悲呀。個考試有六十分鐘, 我開始既時候無睇時間, 所以就唔知寫完第一篇仲淨返几多, 但係我裝下隔離o個個, 佢居然已然寫緊第二版紙啦, 所以我就好緊張啦。我係咁寫係咁寫, 但係講pros and against on cars…邊有野寫丫, 咪就係寫d連f.5都識寫既野落去, 睇住人地寫左二版半我先寫得一版半….不過我d字咁細, 我諗應該夠o瓜….

Oral
我考之前都本住必死既心態架啦, 仲要之前兩份都考得好差喎, 所以食完飯都諗住快快脆脆考完返屋企訓覺算啦。報到之後就見到好多examiner, 個個都係外國人, 而我去考o個間房o個個都好nice架, 不過我太驚啦, 講野無content又無sense, 條利仲要打曬結喎…我唔知自己講咩之餘都見到佢好似唔知我講咩咁。所以我考完出到黎自己都係度笑….考得咁差都係度笑….(好在唔洗自己比考試費o者)。

Result (prediction only)
就係咁呢日既考試就完左啦, 亦到證明左我係一個高分低能(其實都唔係好高分架咋)….一唔練習就退步啦…今次既考試, 我predict既result係我會得到大約係band three既成績, 大家唔好誤會…band three既meaning係:Extremely limited user—conveys and understands only general meaning in very familiar situations. Frequent breakdowns in communication occur…'~'嗯嗯…我諗係呢個level架啦。

今次個試就考完啦, 都即係話我個假期都完啦…返工一定要努力d! 將勤補拙!