24h購物| | PChome| 登入
2002-12-03 20:57:40| 人氣70| 回應0 | 上一篇 | 下一篇

畢業禮

推薦 0 收藏 0 轉貼0 訂閱站台

星期三係畢業禮既日子, 我請左一日假無返工。畢業禮三點鐘先開始, 本來諗住朝早映下相, 但係星期二太夜訓所以朝早都起唔到身。咁所以成一點鐘先返到poly, 同亞邦食lunch。食完呢就返去啦, 搵到maggie就同maggie 映相啦, 跟住搵joanna, 同佢映左一兩張之後佢就話原來兩點三就要入場啦, 咁我地就一齊去紅館啦。途經火車站既時候撞到好多熟人, 不過因為好多人所以都無停低映相。入到去之後發覺原來我地係坐得几近個台架, 因為d同學都係坐埋係同一個area, 所以大家都係瘋狂地映相, 而我又咁o岩見返d好耐無見既朋友, 莊員咁, 就一併映埋啦。我同一齊上廣州實習既同學映左一張, 話要寄返比tony喎…hehe我諗佢都唔記得我係邊個啦。我地係咁映, 映左足足九個字終於都到開場既時候啦, 本來我係坐係隔自己同學一條走廊既位置度, 但係因為坐得咁遠好奇怪, 我就搵返個無人既位坐啦。開始既時候係頒博士先, 跟住係哲學碩士(即係畢業既研究生), 跟住就到我地呢d學位學生啦, 其實都唔係個個上台拿的, 博士可以, 哲學碩士都只不過係一個一個叫名無得上台, 而我地呢d仲要係一大班人, 叫到occupational therapy就成班企起身咁, 無咩特別。咁所以我係過程之中就同jenny傾左好耐計, 傾過做RA讀書定係做OT既問題, 其實我係星期二既時候o岩o岩收到新既合約, 簽到下年八月尾, 我都簽左架啦。但係我都同jenny講返我既思想鬥爭, 佢就話梗係做住份工先, 跟住就照樣搵OT工, 有得做先諗揀邊樣。而我都諗其實我又未必讀到書, 又未必搵到新工, 咁可以肯定少少既係有份新既合約, 咁梗係做啦, 如果唔係乜都無咁咪死…其實我同jenny唔係好熟, 但係佢絕對係一個好人黎架, 同埋佢諗野好成熟又好肯幫人, 所以大家都好鐘意同佢傾計架。其實同佢傾計之餘, 就係同郭靜一齊食綿花糖, 因為同joanna既男朋友買左一大包花生同芝麻夾心綿花糖, 就好似食緊湯圓咁。所有學位都頒完之後就到榮譽博士啦, 今次係得几個, 但係每個都介紹一大段個人history呀成就呀咁, 真係好長。其實除左呢度之外就全部都係講英文, 都唔知我mom同dad坐係度又無得睇我上台究竟黎做乜好。所以係呢個時候我同佢地就走人去外面映左一兩張相咁, 映完左我就返poly放低件袍, 之後就去搵亞邦啦。呢日既畢業禮就咁就完左啦, 仲有一個星期可以著袍映相咋, 呢樣野我又唔係咁熱心喎, 所以總括黎講, 呢日係比我放一日假唔洗返工既日子, 但係呢, 仲累過返工呢>.<

我要檢舉
台長： 豬仔

您可能對以下文章有興趣

人氣(70) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文