星期一
就黎悶死啦!由上個星期有個外國教授黎左香港之後, 我老細就要應酬佢就好少叫我做野啦(其實之前都好少架啦)。仲記得上個星期一我著住條牛仔裙返工去到教授樓既時候見到老細, 佢就同我介紹亞professor Karl, 跟住又好似上次咁好隨意地講左句:「你聽日present下啦!」。我啞口無言之際佢就話lunch要去飲茶, 要call 咩咩醫生又要book位咁喎, 加埋我自己本身要做既野, 就忙左成個朝早啦。仲記得o個日係帶左Dinga同傻ga諗住比亞邦既, 咁就成日都無理過佢, 而透明魚魚既水呢, 就一直要等到中午先換到。
到左一點鐘啦, 我啦老細啦同埋professor就一同出發去金龍船飲茶啦。去到就梗係等我老細招呼佢啦, 咁我做d咩?咪就係陪坐同埋斟茶囉…咁我地一坐就坐到兩點啦, 係呢個時候呢潘醫生終於都到啦, 真係好呀, 佢一黎到我同老細都唔洗講野, 因為潘醫生係最多話題既。佢黎之前老細就介紹佢係 “very interesting person, he knows how to fly a helicopter, he knows how to play the ancient Chinese piano. But the most interesting thing is, he is still single!” 由於我地都唔expect潘醫生會食好多野, 所以我地都無再叫野食, 只係要佢食我地食淨o個d。點知就係因為潘醫生生活經驗太多啦, 講野又講得慢喎, 咁無乜點食野都一坐就坐到三點鐘啦。之後老細就同professor去海邊映相, 而我就撘潘醫生車返醫院啦。
星期二
呢日朝早要去DTRC, 本來老細叫我呢日都同professor食lunch架, 但係因為我係DTRC所以話唔洗啦, 咁我就帶左飯啦。點知十二點鐘既時候, 佢突然打電話黎話叫埋我去。聖旨一出, 我就拿拿臨收拾行裝出門口等潘醫生架車啦。一等就等左三個字啦, 上到車問下會去邊度食飯啦, 點知居然去到赤柱咁遠喎!下午兩點仲有research trauma meeting我仲要present添架, 好彩有帶埋隻cd係身咋, 如果唔係又要返office拿就煩死啦。去到之後我地搵左一陣先搵到老細係邊, 今次亞郭醫生都有黎, 咁我就大安旨意淨係食唔洗出聲。不過呢其實大部份時間就係 “Dr. Poon did all the talkings, the others did all the eating”。 我地食就唔係食左好多野, 但係價錢就真係几貴下。淨係小食就食左成五百大元, 老細仲要笑住咁問我比唔比錢, 咁我就唯有講多謝啦hehe^^
食完飯返去present啦, 因為平時用開黎開會既地方今日無projector, 所以就要去佢地平日教書既地方啦, 好大好凍仲有講台添…我已經醒目帶左件褸去架啦(自己讚自己添..), 但係因為太嚴肅啦所以我好驚。到我講既時候我真係feel到我自己好似根本唔識講英文咁, 條利好似摺埋左咁講得超級核突…真係失禮曬其他人呀…唉, 鬼叫之前無好好prepare咩…就係咁, 所以就算唔知仲有冇下次, 我都prepare定一個比較完整既present, 廢事再失敗一次啦! 完左之後潘醫生問我夜晚會唔會聽書, 老細就好似好有意思咁話:「你放過佢啦, 人地歸心似箭呀, 比人地落堂啦!」好似話緊我成日都趕住走咁喎(我諗係我多心o者, 佢地有時都早過我走架啦), 咁我就因為呢d不利好因素而令心情不佳既情況低下做埋我要做既野, 跟住又好快咁做完老細要既野, 佢係我臨走既時候都叫我唔洗做咁快, 咁我心情好返d, 知道佢唔係話緊我, 我就返poly打波啦。呢日因為太累啦, 加上亞邦又整親隻手仲要唔知去左邊攪到我擔心左一輪>.<, 所以都無乜打過添。
星期三
因為professor Karl存在既關係巡房巡得超慢, 攪到佢走左之後潘醫生要巡得好快我又要抄得好快, 跟住成個上午就係無左啦。Lunch約左而家做左ot既舊同學alice食飯, 仲見到新一班既students。呢一班呢真係靜到咩咁, 通常students見到師兄師姐梗係鬼咁多野問架啦, 唔係問點做case都問下d老師同therapists係點啦, 點知佢地真係一粒聲都唔出, 我睇佢地去到DTRC都係被揉掄多架啦唉….到左下午就真係無野做, 馮醫生係房又唔可以打日記喎…最慘係無野做要搵野做呀!咁我好痛苦地就過左一個下午。放工之後呢就去做facial啦, 今次係呢個course既最後一次, 我都諗住佢同我做完左之後會同我sell乜sell物架啦, 點知真係快到我一訓低就講啦, 又要轉呢樣o個樣, 我本身個course都好貴架啦, 成五千几(真係要靚唔要命)但係佢都仲想我轉六千几七千架喎, 其實我一早都想做埋就唔做架啦, 因為我想試下第二d地方。咁我就同佢講唔轉啦, 佢就要我繼續而家o個種喎, 又話要比定几多几多錢, 我就最憎呢d咁既做生意手法。你係做得好既貴我都會返黎架啦, 又要逼我做呢樣o個樣就最鬼乞人憎架啦, 咁所以我就買左我下一年要用既野(癈事又要再上去買丫嘛…), 跟住就脫離左佢啦。
之後就發生左愛鼠辭世既事件啦….
星期五
去左買新Dinga, 眼大大好得意仲要唔怕我添架, 真係好呢!不過今日唔係好開心, 所以唔寫啦。
星期六
今日朝早返工既時候睇住架小巴走左喎, 真係唔開心呀…不過好彩都係遲左少少o者, 而且返到office就根本係一個人都無…咁我做完曬我要做既野都係九點几, 咁我就想打下日記啦。但係唔知點解呢排都几驚係office打日記喎, 可能怕醫生們會突然衝入黎啦, 其實之前都試過架啦, 不過收得快o者, 所以而家打緊都有d提心吊膽架…一有d咩依郁就會收埋架啦。就係因為怕喎, 我成個星期六朝早就係坐係度等下睇下有冇人入黎啦…不過其實都有做下d無聊野既。結果直到一點鐘都無人返黎, 咁我就白白浪費左一個朝早lu…撘車既時候又咁o岩見到alice, 就一齊去撘車啦, 咁好彩既小巴有兩個位, 但係就唔可以一齊坐啦, 不過咁我就可以唔講野, 訓覺啦。返到屋企好悠閒, 食lunch同睇vcd, 不過就唔係咁好睇。之後夜晚就約左亞邦去奧海城, 原來o個度同青衣城都几似架, d路都係好闊同埋地方好大, 我就最鐘意d咁既地方架啦, 雖然好快行完, 但係好舒服呢。
星期日
同polyvolley既人映相既日子, 本來朝早十點約左kk, kari, elaine, amy等等映架, 但係因為星期六夜晚太夜訓啦, 所以成十點四amy打黎既時候我都仲未訓醒。不過佢地話唔緊要因為下次仲會約喎, 咁所以我就繼續訓覺啦。下午本來係約左十二點半去食lunch先既, 但係又因為好眼訓所以無去啦, 咁我就一點起身然後換衫返poly, 返到去諗住去舊can食野先啦, 點知又唔知攪咩function封左喎…真係丫, 居然係咁多人既日子攪d咁既function喎…於是我就去新can啦, 又咁o岩momoko都係o個度, 就一齊食啦, 但係因為太多人啦, 我又唔想排隊叫野食而三文治都無埋喎, 咁就食左一杯奶酪啦。但係因為好肚餓所以去七仔叮左點心食…不過好難食…之後個個都返左黎啦。先有叔叔, 跟住係joanna, 跟住有亞業亞希亞chris亞珠fion亞聰eric泰山等等等等, 係我去搵亞邦既途中亞文仲想撞我但係比我避開左, 因為佢著得鬼咁斯文我根本唔認得佢呀仲以為係咩鹹濕佬想撞我。
之後呢就一齊映相啦, 其實真係几煩架要映, 但係一班朋友又几happy既, 所以本來我諗住同所有人映左就走架啦, 但係最後都係換左几個景映左先。到左五點几, 去噴水池同raymond映埋就終於結束左我地今日既映相行程啦, 但係呢我諗大家係打波既時候又或者係自己都會約其他人映…真係持久戰呀…本來今日話同亞珠慶祝生日夜晚去食飯架, 咁我都諗住唔去架啦, 但係佢地話改期改到星期二喎, 所以最終都會一齊食飯呢, 哎呀講講下我除左係零晨係icq同佢講左happy birthday之外見到佢都無同佢講添。映完相我對腳真係好累呀, 就上左亞邦既hall睇老鼠休息啦。
哇呢個週記真係好長呀, 我諗除左返工既時候都無乜時間打架啦, 不過都好丫, 起碼唔會連少少時間都無丫嘛! 不過要睇就辛苦曬啦hehe ^^
文章定位：
