24h購物| | PChome| 登入
似曾相識 的留言板
我要留言
天子門生
留言主題：無主題
已經有好幾個月冇再寫野比妳
其實一直都係好少再返呢一度
因為知道妳都係少睇呢一邊
其實又唔係話因為任何原因而少寫
反而仲更加係因為對住妳既時間太多太長
所以先會抽唔出時間
雖然係咁樣
心裡面始終都會係有份牽掛
對住妳既時候
會係一份感覺
寫留言比妳又會係另外一種既感覺
就似係永遠都唔會覺得厭
想寫比妳睇既字
永遠都唔會寫得完一樣
最近同妳就似係越變越瘋狂
每一個夜晚
都總係好想將妳緊緊咁擁抱住唔放
同妳輕言細語既感覺
每夜都會比之前更加渴望
好依戀妳既一切
就似係一放手之後
大家都會唔再有會期一樣
每一次臨別既依依不捨
就似係人生一個分離點一樣
時間並無將我同妳既愛沖淡
反而隨住時日既增長
令我對妳既愛念更深更濃
妳既每一個笑聲
同妳既每一句說話
都係對我有咁大既吸引力
就只有妳
先至可以令我對妳如此死心塌地
而家既每一日
都只係全因有妳
我既日子先至會再有生氣
一切既歡喜
都只因為我身邊有妳
我愛妳...似曾相識.
| 2005-07-15 01:04:40
洋蔥
留言主題：無主題
不好意思...又闖入妳兩公婆家...
在這裡有個家族我頗想入去見識,但原來一定入會的...而我想入會時卻唔知台灣身份證編號的形式,可否講個「形式」出來?
這個笑片網址,作為謝禮,希望妳倆睇得開心吧...
| 2005-06-11 16:09:06
水兒
留言主題：無主題
其實你同我
每日都為對方不停咁去寫
講真
以前只可以純用文字同你溝通o既時候
反而寫o既都唔及而家既多
就算係同你不停咁傾都好
依然都唔會放棄為你而寫
或者根本我地都有個習慣
就係習慣靜靜咁睇大家所寫o既每一個字
從而感受o係文字背後o既果份真摯感情
文字雖然唔似說話一樣
可以直接聽得出對方o既語氣係點
但係在你在我而言
根本我地寫o既o野
就同說話無咩分別
有時只需憑住一句說話
我地就可以估到對方當時o既心情
或者我同你都係鍾意思想o既人
而o係睇信o既其間
往往更加能感受到當中o既掛念
不過點都好
最愛聽o既依然會係你o既聲音
如果時間真係可以任由我地來去穿梭
我諗亦唔會再有生離死別時o既難受同難過
就算只可以固定停留o係一刻
我會選擇同你一齊o既任何一刻
因為除o左同你一齊o既時間之外
仲會有其它o既時間
會令我咁留戀咁唔捨得咩
永遠放唔低o既
只有你....
| 2005-04-15 23:29:59
天子門生
留言主題：無主題
望一眼呢個留言
原來都已經有十日無為妳再寫
唔係因為我變左
更加唔係我無想起妳
相反就係因為太掛住妳
反而仲更加寫唔落手
諗住妳o既時候
個人就只會陶醉於有妳既回憶當中
妳o既每一句說話
妳o既每一下笑聲
都係令人唔捨得唔去諗起
諗起妳就好似呼吸咁自然
生命靠呼吸空氣
生存就似是只靠想起妳
一直都唔習慣無妳陪住o既日子
以往只會同時間競賽
總想可以o係最o既短時間裡面
寫好多好多o既字比妳
但係今日就已經唔係
時間就似係一種負累
時間越長
所受o既折磨就越大
總想可以簡畾伅︽既限制
曾經睇過有關時間空間o既一d文章
裡面話時空可以對摺
亦即係可以瞬間往返時間空間
假如真係可以o既話
對妳對我
真係一件幾好o既左事
到時我唔再需要掛住妳
因為妳將會永遠留o係我o既身邊
我愛妳
永遠永遠都係咁愛妳.........
| 2005-04-14 03:36:39
水兒
留言主題：無主題
同你一齊o既任何日子
都係好開心好開心
無論係初識你o既時候又好
又抑或係而家o既每一晚都好
只要有你o既話
就好似擁有全世界一樣
今日見你將一首我同你一齊寫o既詞整理重貼
當見到o既時候
腦入面就已經即刻浮現當時同你寫o既情景
可能你一定以為我已經唔記得o左
但係其實你又知唔知道
同你一齊經歷過o既野
我都會係好少唔記得o既
好記得當時自己都係一時貪玩
就寫o左一首詩
而你唔知點解
就將每一句都加多o左一個字
一向以o黎
同你都會有一種默契
就係當見到對方唔出聲做某樣o野o既時候
另一個亦會係繼續做落去
從來唔會多問一句
就好似一個眼神
就已經明白大家o既心意一樣
永遠同你
都係有呢一種心意相通o既感覺
同你一樣
當你唔o係自己身邊o既時候
都會做d同你有關o既野
希望從而可以有你o既影像陪伴住自己
或者呢種做法會係好傻
但係感覺就會係比做其他o野會好受得多
從來唔會為一個人而睇一本書睇一套戲
但係為o左你
竟然又會一一去做
如果要解釋點解會有呢d舉動o既話
我諗只可以用三個字o黎解釋
就係
我愛你..
| 2005-04-04 20:27:07
天子門生
留言主題：無主題
最近同妳都傾得好少
不過咁並無令我同妳有疏離
相反仲會更加想念妳
一連幾晚都去睇我同妳既過去
其實原來同妳每一晚都係好開心
就算係而家隔左咁耐再睇都好
都一樣仲可以感覺到當時既氣氛
曾經都試過好幾次忍唔住笑
係無妳陪伴既晚上
原來只要望住同妳有關既野
個人都會過得開心好多
記得之前同妳講起
無妳既日子係點樣過
果時就算係睇咩都唔會睇得入腦
甚至試過去開一套戲黎睇
但係睇左都唔夠10分鐘
好自然就會將部機關上
因為根本上自己個人都唔o係度
惟一有一套係例外
就係我以前一直都向妳介紹既
時光倒流70年
經過左一段時間之後
妳都終於買左隻光碟
其實本身我都係有一隻既
不過就因為時日既關係
而家都已經唔知道去左邊
好自然為左妳既關係
又再一次去買多一套
原來當中好多既細節都已經唔記得
又或者係當時只係知道係好睇
而唔會有太大既感受
但係自從識左妳之後再睇番
個感覺都已經係好唔同
更甚至乎會產生一種共嗚既感覺
唔知道令自己覺得深刻既
係因為妳定還是係因為自己
又更有可能係因為有妳
所以我先至會有感覺
到此刻只知道
我既一切都只知有妳
我愛妳...永遠....
| 2005-04-03 19:43:02
水兒
留言主題：無主題
見到你呢一段
忍唔住都係要為你留低一段
生命本就無常
今日o既笑語嫣然
明日可能只可以往夢裡尋
更不堪o既
可能仲會係茫茫生死別經年
魂魄不曾來入夢添
其實諗得太多都唔係一件好事
因為好多o野往往唔可以由自己操控
所以當自己仲可以做o既時候
總係想為你做更多更多
雖然可能更會令你睹物思人
但係我都可以比你知道
我係無時無刻唔掛住你想住你
永遠愛你
永遠都係咁放你唔低..
| 2005-04-01 05:17:52
天子門生
留言主題：無主題
其實人生真係好無奈同好唏噓
根本任何事
都係唔係完全操縱係自己既手裡面
就正如人既生命一樣
根本就冇人可以預計得到
今日我同妳仲可以係度見面
難保明天都仲依然可以
所以當可以對住妳既時候
只會想一切都只係為妳
同樣妳都係會咁樣為我
因為妳同我係唔想
係一齊既過程當中
有任何既遺憾同失落
又或者今日親口同妳講一句我愛妳
都總好過到唔可以同妳講既時候
去追悔今日所冇做到既事
我愛妳
| 2005-04-01 04:46:03
水兒
留言主題：無主題
一直以來
都會好唔捨得拋棄曾經擁有過o既o野
尤其係同你有關o既
更加會係好珍惜
你寫o既每一首詩
你寫o既每一封信
又甚至乎係你呢度o既留言
我都會一一保存起o黎
同你寫過o既信數之不盡
雖然好多時根本係無時間再重讀
但依然係會每日都將你o既所有字留底
你o既所有o野
我都會係好珍惜
只因為每一樣物件都可以令我想起你
想你
已經成為自己每日o既習慣
尤其係見唔到你o既時候
唯有o係記憶中
先可以有你o既影像 有你o既聲音
其實唔好o既記憶
我係唔會介意會唔會記住
因為就算偶然記起
只會係慶幸已經成為過去
但係好o既回憶
尤其係難忘o既回憶
或者我寧願會選擇忘記
因為每次想起
只會令心裡面更痛多一分
同你相識至今
經歷過好多個寒暑
每一個有你o既日子都係好值得懷念
但係亦因為咁樣
竟然帶o黎o既會係絲絲痛楚
仲有o既係更多o既感慨
因為
我知道o係我呢一生
係無任何o既o野可以取代呢一份回憶
更加係無人可以取代到你
我愛你
| 2005-03-31 19:58:23
天子門生
留言主題：無主題
o係開始寫信之前
睇左妳呢段留言
記得妳今日問我
人究竟係有記憶好定無記憶好
如果係一d唔開心既野
又或者係會令妳傷心既事
咁當然係會好多人都認為
一定係係無記憶好啦
但係如果當妳曾經有過一段感情
而又好令妳刻骨銘心
更加有一絲絲遺憾
咁唔知妳又會認為點呢
假如妳問我
我會答妳"我一定要有記憶"
或者係因為有好多野都係曾經經歷過既
而且個過程仲係咁靚咁好添
仲有最大既原因就係
我唔想妳由我既記憶中消失
其實就好似係我同妳既舊地方一樣
望住以前同妳一齊過既開心日子
裡面有好多我同妳既往事
有開始既亦有唔開心既
當中更加有妳好多好多對我既思念
亦有我好多好多對妳既感情
睇住佢而家開始慢慢消失係記憶之中
其實妳又有冇諗過
當佢消失左之後
我同妳以後就只有靠回憶黎再想番
當中有好多既細節
其中有好多個好開心既夜晚
呢d就係我同妳既記憶
妳係唔係可以真係可以無左呢
再同妳講埋我究竟係唔捨得果度
定係唔捨得妳呢
其實我係唔捨得妳既所有一切
唔捨得妳曾經同我講過既每一句說話
唔捨得同妳一齊既咁多個日子
更加唔捨得妳為我所付出過既感情
係果度我可以再睇番妳既好多好多感受
其實一直都係
只要係有關於妳既野
我都係會好唔捨得
因為我著緊妳愛妳
所以就算只係妳比我既一個字
我都會好珍惜好唔捨得
我愛妳
永遠永遠都係咁愛妳
| 2005-03-31 04:52:46
水兒
留言主題：無主題
其實就算係幾緊張一個人都好
都會有比較鬆懈o既一刻
尤其係當你知道佢就o係你身邊o既時候
好自然就會將自己o既注意力
擺o左o係另一 d o既事上面
其實呢樣唔單止係你會
我自己都係一樣會o既
所以雖然有時會為o左呢 d o野而有時唔開心
但係回心一諗
其實你緊張我o既時間
已經係差唔多佔o左最大部份
諗到呢度o既時候
就只會係更加痛惜你愛你
而且當你知道我唔開心o既時候
你o既緊張之情
根本就寫晒o係你o既面上
所以又有咩可能係捨得嬲你丫
或者偶然有呢d小風波
都會係幾得意o既
至少可以證明一樣o野
你同我都係一樣咁緊張大家
只想可以擁有住對方o既每一刻
永遠都捨不得你...
| 2005-03-30 19:36:06
天子門生
留言主題：無主題
一直妳都好珍惜同我一齊既每一刻
由妳著緊既說話裡面
可以知道妳係有幾緊張我
每一分每一秒
妳都好想我可以完全比晒妳
其實我都係一樣好想可以
將我既所有時間都同妳一齊
因為我都好清楚知道
亦曾經感受過同經歷過
冇左妳既時候
果種失落同迷失自我既感覺
對住妳既時候
永遠都唔會覺得"支力"
只會係驚時間過得太快
有時當妳陪住我既時候
好自然就會有份好安心既感覺
甚至會安心到唔會理會妳既感受
於是就會有時冷落左妳都係唔自覺
其實事後都係會內疚同充滿歉意
因為我都知道
被人冷落既感覺
真係一d都唔好受
係度同妳再講一聲對唔住丫
雖然都知道妳係會唔緊要同好傻
不過我都係緊張妳
同唔想妳再唔開心
我愛妳
永遠永遠都係好愛妳好愛妳
| 2005-03-30 05:57:19
水兒
留言主題：無主題
由認識你o既一刻開始
就不停咁去寫
由初時同你寫詩
到後來再同你寫信
已經數唔清究竟寫o左幾多篇文比你
亦更加數唔清寫o左有幾多隻字
從來無諗過
自己會為你寫得咁多
亦從來唔知道
自己竟然會有呢一份毅力同恆心
講真
偶然亦有"支力"o既時候
但係呢一種不過係身體上o既"支力"
而當一見到你o既時候
根本就會倦意全消
而o係精神上
係從來無"支力"呢一個字
只要諗到你見到時o既歡喜
就會好有心機咁為你寫落去
而自己最擔心o既
反而係唔夠時間寫比你咋
每一日都要為你預備一兩篇
假如做唔到o既時候
心入面就會好唔舒服
就似係應該要做o既o野無做到一樣
雖然
你從來唔會因為咁樣而唔高興
但係我又點可以容許
你有一絲一毫o既失望呢
或者係我自己顧及得太多
又或者係我自己比自己o既壓力
但係當能夠可以為你做o既時候
係絕對唔想浪費一點一滴o既時間
曾經都同你講過
我係唔會後悔自己曾經做過o既事
最後悔o既
只會係當仲可以為你做o既時候
而無為你去做
對你
永遠都會係咁珍惜
我愛你..
| 2005-03-29 19:09:53
天子門生
留言主題：無主題
本來都有諗過
將呢度停一下
唔再回妳既留言
並唔係話唔想再回妳
而係唔想妳再為我咁辛苦
好多都知道
妳既時間都已經係唔夠用
因為妳既每一刻
都已經係比晒我用晒係我既身上
好多時都知道
妳會利用妳所有既時間
去為我做最多最好既野
我只係想妳可以好好咁休息一下
又或者係去睇下其他既野
因為我知道每日不停咁寫
真係會好"支力"好"支力"
唔單止係身體上既"支力"
甚至乎精神上都係會好"支力"
但係當再睇耐d妳既番言既時候
好自然又會自己既名寫上去
於是乎又好自然咁回左妳一大段既說話
對妳就永遠都係會咁樣
知道妳會諗我會唔會有說話留比妳
亦都知道妳會黎呢度睇
就算我係唔同妳講都好
妳都一定係會入黎既
剩係憑住妳會黎呢一個理由
就已經令我冇晒唔再寫比妳既理由
因為我只係在乎妳既感受
今次既番言並冇咩特別野比妳
或者妳可以既話
睇完之後
就好好咁抖一抖啦
我愛妳
永遠永遠都係咁在乎妳~
| 2005-03-29 00:26:53
水兒
留言主題：無主題
你緊張我o既同時
我一樣都係咁緊張你
只要見到你為我寫o左一篇
好自然又會比番個回應比你
個感覺就好似係
唔想剩番你孤獨一人一樣
好想比你知道
無論係幾時
都會有我陪住你
感覺呢一樣o野好奇怪
有時就算係同一個人初相識
對佢會好莫明其妙咁產生一份憐意
或者呢種純粹係自己o既主觀感覺
但係人好多o既舉動
就係因自己o既觀感而行
其實自己都好唔明白
點解會對當時陌生o既你有呢一種感覺
可能係你同一般o既人唔同
又可能係你比到種似曾相識o既感覺我
好自然就好想接近你
又甚至乎係刻意咁想親近你
有時見到你竟然會主動同自己傾偈o既時候
又會有一份意外o既喜悅
雖然自己一向都會表現得好淡然
但係其實自己有幾重視你
就只有自己先會知道
永遠唔會忘記當初同你似有還無o既感覺
有時似係感覺到你對自己有d異樣
但係好快同你又會轉過另一個話題
同你就係兜兜轉轉咁
相處o左一段唔短o既日子
有時以為好多野都係必然
但係事實原來並非如此
一直都可以晚晚對住你
直到自己要離開o既日子漸漸逼近
先知道原來最唔放心o既就係你
當可以每晚對住你o既時候
從來無諗過無你o既時候會幾難受
或者就係經過果一次o既離別之後
先知道有你o既感覺原來係咁開心
到o左而家
甚至乎係一日都唔可以冇你
因為原來一早
已經係將個心交o左比你
我愛你...
| 2005-03-28 18:09:59
天子門生
留言主題：無主題
每一次當我見到妳比我既留言
好不由自主咁就會回番妳
如果唔係既話
就會終日都係有件擺係心度
對妳既野就永遠都總係放唔低既
其實我都唔係算對妳有怨言
只係將自己既心情寫比妳睇
我唔係妳覺得難過
更加唔係要妳有自責既
對妳既唔放心
由始至終都係一樣
又可能係妳一直都係好緊張我既野
當妳有少少放鬆左既時候
就會有種唔受重視既感覺
不過其實都唔係好厲害
最難過既都只係掛住妳既心情
同擔心妳既果一份焦慮
就正如妳剛剛發比我既訊息所講
當妳唔係我身邊既時候
個人就會冇左方向
其實當妳唔係身邊既時候
唔單止係冇左方向
仲會係連個靈魂都冇埋
妳就好似將一切都帶走左一樣
記得有次同妳傾傾下既時候
妳講笑咁同我講話妳唔見左個心
問我有冇見到
妳仲記唔記得之後既對話呀
妳話如果係我執到既話
要我好好地對佢整傷佢
於是我就同妳講話
我係會好好保護佢
一定唔會整傷同整痛佢架
記得果時都同妳唔係去到好深既階段
甚至可以話係初初同妳開始
但係其實原來自己既心
一早都係已經唔見左
一早都已經係放左落妳既身上
每一次見妳唔到既時間
就好似係連自己既心都唔見埋一樣
對妳就係永遠都係咁痴纏
對妳就係永遠都係一步都唔可以離開
同妳就似係一對雙生兒一樣
根本就冇可能係獨存既
永遠永遠都只可以依附妳而生
就似係妳既寄生體一樣
只因為我實在係太愛妳
永永遠遠都係咁愛妳..........
| 2005-03-28 05:07:37

     較舊 >>
我要留言
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP