二零零四年一月九日．星期五．天晴
心情：開心極了~
今日去佐鹹淡水交界度睇海豚、仲去佐大澳考察添(其實咁自由..算唔算考察呢??)~
一朝早跟番平時上課o既時間番學校,之後等到大約八時半上旅遊車,大約九時搭船~
大約九時四十五分睇到海豚了~之後一直都睇到~
有幾次...條海豚o係我面前跳黎跳去~
有灰色的(BB)、有粉紅色的(青年-廿幾歲)、有白色的(成年-三十幾歲)、更有懷孕的(大約十多歲)~
其實好多關於海豚o既野都係聽o個個『海豚哥哥』講架~
佢話：「香港o既海豚最大曾經有成三十幾歲、國際的最大有成四十歲~普遍黎講最多海豚都只係廿幾歲~海豚到佐十歲左右可以開始懷孕~」
佢話：「剛出世的海豚BB有0.8米左右、大個佐,就差唔多有2.8至3米~」
【點樣知道海豚o既歲數呢???】
佢話：「將條海豚o既其中一隻牙切開一半,之後再作分析~」
【海豚係邊類動物??】
『哺乳類~』
「唔係~」
『海裡面o既哺乳類~』
「唔係~」
『...咁唔知喇...』
「其實海豚係海洋哺乳類動物~」
佢講o既野...仲有好多架其實....
之但係我最深刻的...就係 lee d 喇~~
-----------------------------------------------------------------
仲有仲有,我地三星都買佐海豚匙扣呀~
好可愛架~ 佢一個扣,但係就有兩隻海豚o係度架~
一隻係BB,一隻係媽媽or爸爸~
Love死~~~
+++++++++++++++++++++++++++++++++++++++++
大約十二時二十分開始我地o既大澳遊~
o係o個度...真自由~
三星同林卓衡、陳泳江、梁浩賢、盧鎮華、香偉暘、薜仁峻、陳浩東、鄺梓賢食飯食到大約一時二十五分先開始搵ｄcheckpoint~
(三星+林卓衡+陳泳江+梁浩賢+盧鎮華：一台；
香偉暘+薜仁峻+陳浩東+鄺梓賢：另一台~)
ｄ飯好味就好味喇...只係好多油o即~
仲有就係......林卓衡叫佐五碟炒飯、炒粉..
因為我地食食下先再叫野食..所以可能會唔記得自己叫過咩..
因此其中兩碟係一樣的~
我發覺同佢地同行,好鬼開心架~而且有好多野我地都唔洗點顧~
所以...辛苦晒佢地喇~ ^^hee~*
最後...兩時半番番碼頭~搭船離開~
途中...船更駛去東涌~ 因為Ms Wan屋企o係o個度~ 就係咁,最少百二人送Ms Wan番屋企~
之後洗番去屯門碼頭,最最後,影完張大合照就上車番歸lｕ~
（五時正番到ｈomｅ)
文章定位：
