話說我係杭州都未返澳門哥陣. 華娃就已經開始策劃呢個邪惡活動. 縱使無左主力氣質蕭蕭既參與. 其間嫦又一度想放棄(後來都係俾我說服左...yeah^_^). 但睇黎731長隆之行都係勢在必行架la. 又因為男女方人數太過不成比例(原本只有我一個男?!). 我以光棍團福利活動之一既名義黎招攬左終日遊手好閒既芳芳團員黎參加呢次活動(只有佢一個肯黎啊=_+).
唔使多講. 呢張相就係歡樂世界既門口la. 今次2男5女. 女仔後左係靜. 後中係靜既同學(傳說中便秘學會會長XP). 後右係華娃. 前左係apple姐. 前右係嫦. 玩盡成日先至145蚊一個人. 抵到爛晒啊.
雖然apple姐係好靚女. 但係睇黎呢張相都係唔夠佢后面既洗衣機吸引. 你睇下成几十人一齊係半空中反轉晒. 係現場d人仲叫到拆晒天啊. 真係未玩就聽到興奮.
話時話今次出trip無左apple姐真係無咁好玩. 原本apple姐無諗住真係玩晒咁多機動遊戲架. 但係同得我地去. 我地梗係無咁易放過佢. 講起就搞笑. apple姐坐親咩遊戲. 架野未開佢就開始大叫. 係開之前佢就已經叫到無晒力. 開頭我同芳芳都有專登跟埋佢一齊叫架. 但係發覺原來咁叫法個肚會勁辛苦. 哈哈. 仲辛苦過玩隻game. 但係去遊樂場就係有呢d咁驚既人先至好玩架ma. 玩game坐佢隔離特別開心. 但最後apple姐除左個U型滑板機外全部都玩晒啊. 又難怪佢影相咁得戚.
據說呢個十環過山車係呢個遊樂場最威既機動遊戲. 點解叫十環? 即係個過山車途中會好似螺絲刀咁樣轉. 仲要轉足十個圈. 呢一項仲入埋健力士世界紀錄大全架. 全程有差唔多2分鐘啊. 玩完個頭真係暈到痛. 不枉我地排左咁耐. 嗚嗚.
遊樂場入面仲有几個有關水既遊戲. 場內有即棄雨衣售賣. 夏天咁熱一玩水玩得特別顛. d雨衣話明係即棄. d質料當然唔多好. 玩几野就爛鬼晒. 仲記得玩激流瀑布個陣. 隻船一沖落去個頭套即刻吹左去後面. 隻手都唔知應該捉返個頭套定係扶手. 根住就要面對超勁巨浪. 一瞬間全員濕身. 呵. 白色衫既女生們有難lo. lol
呵呵. 大家係咪覺得個姿勢好奇怪呢. 其實我地做緊個”八”字既姿勢啊. 身後既U型滑板機係我地玩既第8個遊戲. 隻game既刺激同好玩度簡直係全場爆燈啊. 剛好哥陣7點半左右. 離關園8點仲有半個鐘. 但係d人已經比朝早少左好多好多. 玩呢隻game竟然唔使排隊. 爽啊. 我地連續玩左2次. 真係頭暈到左極限. 哈哈.
今次行程朝早7點玩到夜晚11點半先過關返澳門. 真係玩足成日. 骨頭都散晒. 個度d機動遊戲個個都搞到你頭暈架. 估唔到自已竟然會夠膽玩晒. 要讚下自己先. 不過有兩樣野係比較可惜既. 一個就係跳樓機哥陣仲未開放無得玩. 第二個就係無得同女朋友去. 若果可以兩個人一齊睇下夜晚哥個雙層旋轉木馬就真係浪漫死la.
文章定位：
