愛麗絲　愛上　三週年寶寶 不能說的秘密

85愛的鼓勵 0訂閱站台

＊＊
好唔慣番工ｏ既打扮，不過，做律師行要打扮斯文、莊重，但著ｏ個ｄ鞋令我行路慢左，同埋勁痛。
本身我腳呢～係扁平足，有舊骨突左出黎，所以著ｄ番工鞋，會刮損我隻腳，唉～早知ｏ係袋放定對拖鞋，放工時著啦，無咁痛。

今日竟然同事叫我：星期五呀！今日準時收工啦！我就打畀超人，因為佢夜晚番石門，可以一齊搭地鐵轉火車，點知！超人領教到咩叫龜速／ｓｎａｉｌ速，佢話平時一個鐘多ｏｋ，變左個半鐘，話我腳痛行得超慢，哈哈！～不過見我痛，就唔同我計，衰人黎～不過好開心，我成日都覺得見得太少啦！個衰人成日都話大埔隻豬可愛ｄ－－佢以前曾經暗戀的美女。

佢話遲下可能一大班男男女女去澳門，大埔豬都可能去。
實出事啦，哈哈！我又唔夠人姣同咁騷～（畀超人聽）

＾＾　我都想去下短期ｔｒｉｐ，好耐無離開呢個地方。同超人旅行都應該會幾開心，佢會好照顧我，不過我成日都肚痾，出到去外面，真係唔知食咩好。

＊＊　番左幾日新工，同事都好照顧我，家下我連花名都有埋，哈哈！癲架，叫人ＰＣ５６６，都好多野要跟同學習，多野做到好似番工八小時都唔太夠用，因為好多資料要看，要入機再ＣＨＥＣＫ野，對契、ＥＴＣ。我相信真係要學識晒，至少半年，但係我上司黃律師，就好似唔想半年咁耐，佢認為我係個讀過書，後生Ｏ既女仔，應該學習能力強，想短期內迫我識晒，我番工第一日已經出信同埋入資料跟ＦＩＬＥ，第二日就跟另一類ＦＩＬＥ，今日又係跟第三類ＦＩＬＥ，一單未完一單又起，又要對十二袋超厚公文袋。

個同事仲笑我，有冇畀虫咬，真係無Ｄ同情心。
不過對我幾好，知我完全無經驗，就走黎話唔識就出聲，雖然我Ｏ地忙，但教你都有時間Ｏ既。聽番佢Ｏ地講，先知原來本身請我做ＬＥＧＡＬＳＥＣＲＥＴＡＲＹ，後來有個大粒律師看完我資料，話浪費ＷＯＷ，個女仔讀緊法律，如果畀佢做其他職位會更好。

人事部已經猛問我讀完後係咪叫ｌｅｇａｌｅｘｅｃｕｔｉｖｅ，我話係呀！
再問就係會唔會讀上去。好貴同埋好長遠，有錢先講。

＊＊＊＾＾加油
超人又被迫拎公司野番屋企做，星期日去找佢幫拖先。
有時感情ｏ既野好奇妙，我同超人第一次見面係ｏ係沙田希爾頓中心，當時佢仲有個鞋抽女友，或多或少係我介入／出現，取代左個位置，ｏ個時我羨慕鞋抽點解有個咁體貼、咁就人ｏ既男友，雖然頭髮．．．但我一直都覺得外表唔重要，最重要專一。

我一直遇親都係衰人，加上好男仔真係愈來愈少，我覺得自己就係呢個想法，先會介入，通常看電視～最後個男仔都係掛住正印，捨棄第三者。好彩超人都係揀我。話咁快就３年，哈哈～希望我同佢感情一直好落去，大家都無打算咁早結婚，我覺得有時ｄ野唔可以急。

＾＾　聽日約左恩、ａｅｌｏ、寶、寶妹同ｋｉｔｔｙ一齊唱ｋ
開心死我

星期日早少少搵超人先
希望佢清晒，可以一齊出去行下
＾＾